జాతీయ మెగా లోక్ ఆదాలత్ను సద్వినియోగం చేసుకోవాలి.

జగిత్యాల జిల్లా ప్రధాన న్యాయమూర్తి సి.రత్న పద్మావతి.

చురకలు ప్రతినిధి, జగిత్యాల,  మార్చి 24 : ఈనెల 28న నిర్వహించనున్న జాతీయ మెగా లోక్ ఆదాలత్ను సద్వినియోగం చేసుకోవాలని జగిత్యాల జిల్లా ప్రధాన న్యాయమూర్తి సి.రత్న పద్మావతి కోరారు. మంగళవారం జిల్లా కోర్టు కార్యాలయంలో ఏర్పాటు చేసిన విలేకరుల సమావేశంలో ఆమె మాట్లాడుతూ లోక్ అదాలత్లో క్రిమినల్ కంపౌండబుల్ కేసులు, సివిల్ వివాదాలు, ఆస్తి విభజన కేసులు, కుటుంబ పరమైన నిర్వహణ కేసులు, వైవాహిక వివాదాలు, బ్యాంకు రికవరీ కేసులు, విద్యుత్ చౌర్యం కేసులు, చెక్ బౌన్స్ కేసులు, డ్రంక్ అండ్ డ్రైవ్ కేసులు, చిన్నచిన్న పెట్టి కేసులు ఇతర రాజీ పడదగిన కేసులను సులభంగా పరిష్కరించుకునే అవకాశం ఉందని తెలిపారు. రాజీ మార్గమే రాజమార్గమని, తమ కేసులను రాజీ ద్వారా పరిష్కరించుకోవాలని భావించే వారు సంబంధిత పోలీస్ అధికారులను, న్యాయవాదులు, కోర్టులో సంప్రదించాలని, లోక్ అదాలత్ ద్వారా బాధితులకు త్వరితగతిన న్యాయం అందుతుందన్నారు. ఈ సమావేశంలో న్యాయమూర్తులు నారాయణ, వెంకట మల్లిక్ సుబ్రహ్మణ్య శర్మ, కోర్టు అధికారులు పాల్గొన్నారు.

ఉద్రిక్తంగా మారిన ఏ బి వి పి  ఆందోళన 

జగిత్యాల 

 జగిత్యాలలో విద్యార్థుల ఆందోళన ఉద్రిక్తంగా మారింది… కొత్త బస్టాండ్ చౌరస్తా వద్ద ఏబీవీపీ ఆధ్వర్యంలో భారీ ధర్నా నిర్వహించారు.. ఫీజు రీయింబర్స్‌మెంట్, స్కాలర్‌షిప్‌ల విడుదలలో జాప్యం కారణంగా విద్యార్థులు రోడ్డెక్కారు… ఈ సందర్భంగా ఏబీవీపీ నాయకులు మాట్లాడుతూ… రాష్ట్రంలో మద్యం శాఖకు మంత్రి ఉన్నప్పటికీ, విద్యాశాఖకు మంత్రి లేకపోవడం వల్లే ఇలాంటి సమస్యలు తలెత్తుతున్నాయని విమర్శించారు… తక్షణమే బకాయిలను విడుదల చేయాలని, లేదంటే రాష్ట్రవ్యాప్తంగా ఆందోళనలు చేపడతామని హెచ్చరించారు… పరిస్థితిని అదుపులోకి తీసుకురావడానికి పోలీసులు భారీగా మోహరించారు…

సెంట్రల్ ముస్లిం కమిటీ ఎన్నికల కమిషనర్ ఇమ్రాన్‌ కు ఘన సన్మానం..

జగిత్యాల 

జగిత్యాల సెంట్రల్ ముస్లిం కమిటీ ఎన్నికల కమిషనర్‌గా సీనియర్ జర్నలిస్ట్ మొహమ్మద్ ఇమ్రాన్  ఏకగ్రీవంగా ఎన్నికైన సందర్భంగా ఆయనను ఘనంగా సన్మానించారు.

ఈ సందర్భంగా జర్నలిస్ట్ మొహమ్మద్ ఇమ్రాన్ ను అయన నివాసంలో నిర్వహించిన కార్యక్రమంలో మైనారిటీ నాయకులు మరియు మిత్రులు పాల్గొని ఆయనకు శాలువా కప్పి అభినందనలు తెలిపారు.

ఈ కార్యక్రమంలో అలాం ఫారజ్, తషు, నేహాల్, అజార్ ఇంజనీర్, ఫెరోజ్, మూర్తుజహ, యాసీన్ ఆశార్, నవీద్ తదితరులు పాల్గొన్నారు.

ముస్లిం కమిటీ ఎన్నికల కమిషనర్ గా ఇమ్రాన్ 

జగిత్యాల, మార్చి, 14

జగిత్యాల జిల్లా కేంద్రంలోని జమా మసీద్‌లో ముస్లిం మత పెద్దలు,ముస్లిం కమిటీ సమావేశం నిర్వహించి సెంట్రల్ ముస్లిం కమిటీ ఎన్నికల కమిషనర్‌గా సీనియర్ జర్నలిస్ట్ మొహమ్మద్ ఇమ్రాన్‌ను ఏకగ్రీవంగా ఎన్నుకున్నారు. గతంలో ఎన్నికల కమిషనర్‌గా ఉన్న మహమ్మద్ అలీ గత నాలుగు సంవత్సరాలుగా ఎన్నికల నిర్వహణకు సంబంధించిన లెక్కలు చూపించకపోవడంతో పాటు నియమ నిబంధనలకు విరుద్ధంగా వ్యవహరించారని ఆరోపిస్తూ మత పెద్దలు ఆయనను తొలగించారు.
ఈ సందర్భంగా నూతనంగా ఎన్నికైన కమిషనర్ మొహమ్మద్ ఇమ్రాన్‌ను మత పెద్దలు శాలువాతో సత్కరించి శుభాకాంక్షలు తెలిపారు. కార్యక్రమంలో సెంట్రల్ ముస్లిం కమిటీ అధ్యక్షుడు మొహమ్మద్ భారీ, జనరల్ సెక్రటరీ హాజా నయుముద్దీన్ మంజూర్, అబ్దుల్ సజీద్, అఖీల్ ఉద్దిన్ జావీద్, పట్వారి సాజిద్, పట్వారి ముజాహిద్, మున్సిపల్ వైస్ చైర్మన్ మున్నా, కౌన్సిలర్లు కమల్, అయూబ్ ఖాన్, అఫ్రోజ్, అహ్లే హదీస్ జగిత్యాల కమిటీ అధ్యక్షుడు అబ్దుల్ రషీద్, జమాతే ఇస్లామియా నాయకులు ఈమాదుద్దీన్, తౌహీద్ అలీ, పాత్రికేయులు మోసిక్, హైదర్ అలీ, అదిల్, ఫజల్ తదితరులు పాల్గొన్నారు.

ఇఫ్తార్ విందులు మతసామరస్యానికి ప్రతీక.

జగిత్యాల ఎమ్మెల్యే డా.సంజయ్ కుమార్.

చురకలు ప్రతినిధి, జగిత్యాల, మార్చి 12 : ఇఫ్తార్ విందులు మతసామరస్యానికి ప్రతీక అని జగిత్యాల ఎమ్మెల్యే డా.సంజయ్ కుమార్ అన్నారు. గురువారం జిల్లా కేంద్రంలో మున్సిపల్ మాజీ వైస్ చైర్మన్ సిరాజోద్దీన్ మన్సూర్ ఆధ్వర్యంలో ఏర్పాటు చేసిన ఇఫ్తార్ విందులో జగిత్యాల ఎమ్మెల్యే డా.సంజయ్ కుమార్ హజరై పవిత్ర రంజాన్ మాస శుభాకాంక్షలు తెలిపారు. ఈ సందర్బంగా ఎమ్మెల్యే మాట్లాడుతూ తెలంగాణలోని కాంగ్రెస్ ప్రభుత్వం అన్ని వర్గాల సంక్షేమానికి కృషి చేస్తుందని, మైనార్టీల సంక్షేమానికి సీఎం రేవంత్ రెడ్డి పెద్ద పీట వేస్తున్నారన్నారు. ఈ కార్యక్రమంలో జిల్లా కాంగ్రెస్ అధ్యక్షుడు గాజెంగి నందయ్య, మాజీ చైర్మన్ గిరి నాగభూషణం, కౌన్సిలర్ కమలోద్దీన్, నాయకులు సమీండ్ల శ్రీనివాస్, అబ్దుల్ ఖాదర్ ముజాహిద్, మున్ను తదితరులు పాల్గొన్నారు.

ఘనంగా అంతర్జాతీయ మహిళా దినోత్సవం.

చురకలు ప్రతినిధి, జగిత్యాల, మార్చి 8 : అంతర్జాతీయ మహిళా దినోత్సవాన్ని పురస్కరించుకుని తెలంగాణ ఆర్టీఐ, హ్యూమన్ రైట్స్ యాక్టివిస్ట్ అసోసియేషన్ ఆధ్వర్యంలో నారాయణగూడలోని తాజ్ మహల్ హోటల్లో వేడుకలను ఘనంగా నిర్వహించారు. అసోసియేషన్ కన్వీనర్ నేతృత్వంలో జరిగిన ఈ కార్యక్రమంలో రాష్ట్రంలోని వివిధ జిల్లాల నుంచి సుమారు 50 మంది సభ్యులు హాజరయ్యారు. సమాజ సేవలో విశేష కృషి చేసిన మహిళలను ఈ సందర్భంగా ఘనంగా సన్మానించారు. ఈ సందర్భంగా ఆర్టీఐ, హ్యూమన్ రైట్స్ ఆక్టివిస్ట్ అసోసియేషన్ కన్వీనర్ డి మౌనిక మాట్లాడుతూ సమాజ సేవలో నిరంతరం కొనసాగాలంటే మహిళలు తమ ఆరోగ్యంపై ప్రత్యేక శ్రద్ధ వహించడం చాలా అవసరమని అన్నారు. వేడుకలకే పరిమితం కాకుండా వృద్ధుల సంక్షేమం కోసం ఈ వేదిక ద్వారా అసోసియేషన్ ప్రభుత్వానికి కొన్ని కీలక డిమాండ్లను సమర్పించింది. అత్యవసర పరి స్థితుల్లో వృద్ధులకు ప్రభుత్వ అతిథి గృహాల్లో తక్షణ వసతి కల్పించాలి. ఆర్థిక ఇబ్బందుల్లో ఉన్న వృద్ధులను ఆదుకోవడానికి ప్రత్యేకంగా వృద్ధుల సహాయనిధిని ఏర్పాటు చే యాలి. స్థానిక పరిపాలనలో ముఖ్యంగా జీపీలు, మున్సిపాలిటీలలో వృద్ధులకు తగిన ప్రాతినిధ్యం కల్పించాలి. తద్వారా వారి సమ స్యలు విధాన నిర్ణయాల్లో ప్రతిబింబిస్తాయి. కార్యక్రమంలో పాల్గొన్న వారందరికీ కన్వీనర్ కృతజ్ఞతలు తెలుపుతూ అణగారిన వర్గాల హక్కుల కోసం, వృద్ధుల గౌరవాన్ని కాపా డటం కోసం అసోసియేషన్ ఎల్లప్పుడూ పోరాడుతుందన్నారు. ఈ కార్యక్రమంలో హెచ్ఆర్సీఐ ప్రెసిడెంట్ లక్కం రాజ్యలక్ష్మి, వైస్ ప్రెసిడెంట్ కుందారపు లావణ్య, కర్నాల విజయ, కుందారపు గంగాధర్, గ్రామ సర్పంచ్ నల్ల కవితా స్వామి రెడ్డి, ఉప సర్పంచ్ ఎడమల లావణ్య సత్తయ్య,  అన్నపూర్ణ మండల సమాఖ్య అధ్యక్షులు మారు సత్తవ్వ, ఆశా వర్కర్లు తరుణి, లతా శ్రీ, రాజేశ్వరి, గ్రామ సంఘం పాలకవర్గ సభ్యులు నల్వాల మానస, పడిగేల జ్యోతి పాల్గొన్నారు.

వీణవంక పెద్ద చెరువు తూము మరమ్మతులు చేపట్టాలి.

చురకలు విలేఖరి వీణవంక మార్చి 08:
వీణవంక మత్స్య పారిశ్రామిక సహకార సంఘం ఆధ్వర్యంలో ఆదివారం ఏర్పాటు చేసిన సమావేశంలో వారు మాట్లాడుతూ వీణవంక పెద్ద చెరువు తూము మరమ్మతులు చేపట్టాలని అధికారులకు 3 సంవత్సరాలుగా  విన్నపించిన పట్టించుకోవడం లేదని,చెరువులో నీటి శాతం తగ్గి వేడికి చేపలు చనిపోవడం దీంతో 3 వదల మత్స్య సకారుల కుటుంబాలు జీవన ఉపాధి కోల్పోవడంతో పాటు కుటుంబాలురోడ్డున పడే పరిస్థితి ఉందని తెలిపారు. అధికారులు స్పందించి వెంటనే పనులు చేపట్టాలి. ఈ కార్యక్రమంలో వీణవంక మత్స్య పారిశ్రామిక సహకార సంఘం అధ్యక్షులు మోటం వెంకటేష్, సెక్రటరీ కుమారస్వామి, డైరెక్టర్లు చుక్కల రవీందర్ రాయిశెట్టి రవి,రాము, ఓదెలు, సభ్యులు రాయిశెట్టి సంపత్ గుర్రం కొమురయ్య,రాయిశెట్టి  సదానందం,రమేష్, మోహన్, సమ్మయ్య శ్రీనివాసు వెంకటేశ్వర్లు మొగిలి రాజయ్య ,సాగర్ తదితరులు పాల్గొన్నారు.

అంగరంగ వైభవంగా శ్రీ సీతారామచంద్రస్వామి విగ్రహ ప్రతిష్టాపన 

చురకలు విలేఖరి వీణవంక మార్చి 08:
వీణవంక మండలం గంగారం గ్రామంలో మూడు రోజులుగా   నూతనంగా నిర్మించిన శ్రీ సీతారామచంద్రస్వామి ఆలయం లో శిఖర ధ్వజస్తంభ యంత్రం ప్రాణప్రతిష్ఠ  అంగరంగ వైభవంగా వేదం మంత్రోత్సవాల నడుము ఘనంగా జరిగాయి.ఆలయ కమిటీచైర్మన్ పింగళి కోమల్ రెడ్డి ఆధ్వర్యంలో అన్ని ఏర్పాట్లు చేశారు.విగ్రహ దాతలు నల్ల లక్ష్మి అంజిరెడ్డి,నల్ల సరిత రవీందర్ రెడ్డి చేసారు. ఈ సందర్భంగా ఆలయ కమిటీ చైర్మన్ మాట్లాడుతూ.. గ్రామంలో శ్రీ సీతారామచంద్రస్వామి ఆలయ నిర్మించడం ఎంతో సంతోషకరమన్నారు. ప్రభుత్వ నిధులతో పాటు దాతల సహకారంతో ఆలయాన్ని నిర్మించడం జరిగిందని తెలిపారు. దేవతమూర్తుల అనుగ్రహం గ్రామ ప్రజలపై ఉండాలని అన్నారు. భక్తుల కోసం అన్న ప్రసాదం వితరణ చేశారు.ఈ కార్యక్రమంలో ఆలయ కమిటీ చైర్మన్ పింగిలి కోమల్ రెడ్డి,
ఉపాధ్యక్షులు కాసం సంపత్ రెడ్డి,కోషాధికారి 
కూరపాటి కుమారస్వామి,  
ప్రధాన కార్యదర్శి 
కాసం రాజిరెడ్డి,సహాయ కార్యదర్శి పుల్లూరి కుమార్,
సలహాదారులు మిరాల ఆదిరెడ్డి,మడికొండ రాయమల్లు,కార్యవర్గ సభ్యులు నరహరి రాజిరెడ్డి,పోలు కోటేశ్ 
 గడ్డి పర్శరాములు తో పాటు 
మాజీ ఎంపిటిసిల కాసం వీరారెడ్డి, భక్తులు గ్రామ ప్రజలు అధిక సంఖ్యలో పాల్గొన్నారు.

*ఆగిన గడియారం, మోగని గంటలు జగిత్యాల క్లాక్ టవర్*

గత చరిత్రకు ఆనవాళ్ళుగా నిలిచే క్లాక్ టవర్ గడియారం మసక భారుతుంది.

ఏడవ నిజాం మీర్ ఉస్మాన్ అలీ ఖాన్ పరిపాలన రజతోత్సవ ఉత్సవాల సందర్బంగా అప్పటి చల్ గల్ రాజ ధర్మ జలపతి రావు గారు 1936 లో క్లాక్ టవర్ నిర్మించారు.అప్పటి సమయంలో జర్మనీతో మిత్రుత్వం ఉన్నకారణంగా జర్మనీ నుంచి వాచులను తెప్పించి టవర్ లో అమర్చారు.

 క్లాక్ టవర్ నిర్మించినప్పుడు  నాలుగు వైపులా కనపడేలా అన్నివైపులా కిలోమీటర్  రోడ్ల నిర్మాణం జరిగింది.LG రాం లార్జ్ వద్ద కమాన్ కూడా ఉండేది దాన్ని తొలగించినట్లు పూర్వికులు చెపుతారు.క్లాక్ టవర్ నిర్మించినప్పుడు ఆ స్థలాన్ని (బొడ్డుచావిడి) అని పిలిచేవారు.

అప్పటి సమయంలో దాని గంటల సౌండ్ 3 కిలోమీటర్ల వరకు వినవచ్చేవి.ఆ టవర్ లోనే కొన్ని ఏండ్లు పోలీస్ స్టేషన్ ఏర్పాటు చేయబడ్డది.

క్లాక్ టవర్ నిర్మిస్తున్న సమయంలో అప్పటి చట్టం ప్రకారం దాని చుట్టుప్రక్కల టవర్ కంటే ఎత్తయినా కట్టడాలు నిర్మించకూడదు.

ధర్మజలపతి గారు కట్టిన ఈ క్లాక్ టవర్ ను చూసి మూగ్దుడై ఏడవ నిజాం మీర్ ఉస్మాన్ అలీ ఖాన్ ధర్మ జలపతి రావు గారికి బహుమతిగా వెండితో చేసిన క్లాక్ టవర్ ను బహుమతిగా ఇచ్చారు. ఇప్పటికి వారి కుటుంబ సభ్యులవద్ద ఉంది.

క్లాక్ టవర్ కట్టిన తర్వాత అందులోని గడియారం 50,60ఏండ్లు నిరంతరంగా నడిచింది.కాలక్రమేణా క్లాక్ టవర్ శిధిలమైతూ వచ్చింది. పాలకులు పట్టించుకోలేదు.

ఇట్టి విషయాన్నీ నేను అప్పటి మున్సిపల్ స్పెషల్ ఆఫీసర్ (RDO) హన్మంత్ రావు గారికి విన్నవించాను. వెంటనే స్పందించి 2 ఏండ్ల ఎగ్రిమెంట్తో టవర్ లోని గడియారం రిపేరు చేయించి అందుబాటులోకి తెచ్చారు.

మళ్ళీ కొద్దిరోజులకు గడియారం ఆగిపోయింది.క్లాక్ టవర్ కట్టడం కూడా పెచ్చులూడుతుంది. శిదిలమవుతున్న టవర్ విషయంలో మళ్ళీ అప్పటి మున్సిపల్ చేర్ పర్సన్ తాటిపర్తి విజయలక్ష్మి దేవేందర్ రెడ్డి గారి దృష్టికి తీసుకవెళ్ళాను.ఇట్టి విషయాన్ని వెంటనే కౌన్సిల్ పెట్టి ఆమోదం పొందారు.

ఆమోదం పొందిన వెంటనే JNTU నుంచి పురావాస్తు ఇంజనీర్ నిపుణులను పిలిపించి కొటేషన్ చేయించి, వెంటనే పనులు ప్రారంభించి క్లాక్ టవర్ ను అందంగా తీర్చిదిద్ది గడియారం నడిపించారు.

మళ్ళీ కొన్ని ఏండ్లుగా పాలకులు పట్టించుకోక గడియారం నడువక గంటలు మొగక శిదిలావస్థకు గురిచేస్తున్నారు.

ఇట్టి క్లాక్ టవర్ గడియారం బహిరంగ మార్కెట్లో దాదాపు కోటి విలువ చేస్తుంది.

తెలంగాణ రాష్ట్రంలో అన్ని పురాతన క్లాక్ టవర్ గడియారంలు పనిచేస్తుంటే,అందులో చార్ మీనార్ గడియారం 135 ఏండ్లుగా నిరంతరంగా ఈరోజు వరకు పనిచేస్తుంది. మరి ఒక్క జగిత్యాల క్లాక్ టవర్ గడియారం ఎందుకు పనిచేయడం లేదు.

ఇప్పటికైనా పాలకులు గత చరిత్ర మసక పోకుండా క్లాక్ టవర్ గడియారం పూర్తిస్థాయిలో నిశ్నతులతో మరమ్మత్తులు చేయించి జగిత్యాల ఈతరం ప్రజలకు  అప్పటి గడియారం ఎలాఉందో, అప్పటి టెక్నాలజీ ఎలా ఉందో చూపించి కనువిందు చేయాలనీ కోరుతూ 

బాస ప్రకాష్. జగిత్యాల

సూర్య గ్లోబల్ స్కూల్లో స్పోర్ట్స్ మీట్                  జగిత్యాల: జగిత్యాల జిల్లా కేంద్రంలోని సూర్య గ్లోబల్ స్కూల్ లో “చాంపియన్స్ చాలెంజ్” పేరిట స్పోర్ట్స్ మీట్ వేడుకలు ఘనంగా నిర్వహించారు. ఈ సందర్భంగా విద్యార్థులు వివిధ క్రీడా పోటీల్లో ఉత్సాహంగా పాల్గొని తమ ప్రతిభను ప్రదర్శించారు.

కార్యక్రమానికి ముఖ్య అతిథిగా హాజరైన పట్టణ సీఐ కరుణాకర్ మాట్లాడుతూ క్రీడలు శారీరక దృఢత్వానికి మాత్రమే కాకుండా మానసిక ఉల్లాసానికి కూడా దోహదపడతాయని అన్నారు. చిన్నప్పటి నుంచే చదువుతో పాటు ఏదో ఒక క్రీడలో నైపుణ్యం సాధిస్తూ ముందుకు సాగితే రాష్ట్ర, జాతీయ స్థాయిలో విజయాలు సాధించే అవకాశం ఉంటుందని విద్యార్థులకు సూచించారు. క్రమశిక్షణ, పట్టుదలతో క్రీడల్లో రాణించాలని ఆకాంక్షించారు.

ఈ కార్యక్రమంలో ట్రాఫిక్ ఎస్‌ఐ మల్లేష్, స్థానిక సర్పంచ్ దావ తిరుపతి, పాఠశాల డైరెక్టర్లు శ్రీధర్ రావు, హరిచరణ్ రావు, మౌనిక రావు, హరిచరణ్ తదితరులు పాల్గొన్నారు.

స్కూల్ బస్సును ఢీకొని వ్యక్తి మృతి.

జగిత్యాల జిల్లా రాయికల్ మండలం రామోజీపేటలో స్కూల్ బస్సును ఢీకొని వ్యక్తి అక్కడికక్కడే మృతి చెందాడు... రాయల్ ఎన్ ఫీల్డ్ బైక్‌పై వెళ్తున్న కొల్లూరి మధు అనే వ్యక్తి రోడ్డుపై ఆగి ఉన్న స్కూల్ బస్సును ముందు నుండి ఢీ కొట్టాడు...బైక్ వేగంగా వచ్చి ఢీ కొట్టడం తో డ్రైవింగ్ చేస్తున్న మధు  తీవ్రంగా గాయపడి సంఘటన స్థలంలోనే మృతి చెందాడు. అతివేగమే ప్రమాదానికీ  కారణం అని స్థానికులు తెలిపారు...సంఘటన స్థలానికి చేరుకున్న పోలీసులు ప్రమాదానికి గల కారణాలపై  విచారణ చేపట్టారు. మృతుడు మల్లాపూర్ మండలం గుండంపెల్లి గ్రామానికి చెందిన వ్యక్తి గా గుర్తించారు.

బెట్టింగ్ అప్ కు మరో వ్యక్తి బలి 

జగిత్యాల

జగిత్యాల రూరల్ మండలం లక్ష్మిపూర్ లో బెట్టింగ్ ఆప్ కు మరో వ్యక్తి బలి....

జగిత్యాల జిల్లా లో బలవుతున్న బెట్టింగ్ ఆప్ బాధితులు...

బెట్టింగ్ ఆప్ లో 25 లక్షలు పెట్టిన మహేశ్ అనే గీతాకార్మికుడు...

పెట్టుబడి పెట్టిన డబ్బులు రాకపోవటంతో తీవ్ర మనస్తాపం, చెంది ఇనుప రాడు కు ఉరివేసుకొని అత్మహత్య...

మహేష్ ఇద్దరు ఆడ పిల్లలు 
బెటింగ్ అప్ ను అరికట్టాలని ప్రభుత్వ వేసుకున్న  గ్రామస్థులు

విషయం తెలుసుకుని మహేష్ కుటుంబాన్ని పరామర్శించిన మాజీ మంత్రి జీవన్ రెడ్డి