జిల్లాలో వక్ఫ్ ఆస్తుల పరిరక్షణకు చర్యలు తీసుకోవాలి.

వక్ఫ్ బోర్డు చైర్మన్ ను కోరిన జిల్లా డిసిసి మైనార్టీ చైర్మన్ నయీం.

చురకలు ప్రతినిధి, జగిత్యాల, అక్టోబర్ 16: జగిత్యాల జిల్లాలోని వక్ఫ్ ఆస్తుల పరిరక్షణకు ప్రాధాన్యం ఇవ్వాలని జిల్లా కాంగ్రెస్ మైనారిటీ చైర్మన్ ఎం.ఏ. నయీమ్, తెలంగాణ వక్ఫ్ బోర్డు చైర్మన్ సయ్యద్ అజ్మతుల్లా హుస్సేనీని కోరారు. శుక్రవారం హైదరాబాద్ లోని వక్ఫ్ బోర్డు కార్యాలయంలో చైర్మన్ ను కలిసిన నయీమ్, జిల్లాలో వక్ఫ్ భూముల స్థితిగతులను వివరించారు. ఆస్తులు అక్రమ ఆక్రమణలకు గురికాకుండా పర్యవేక్షణ పెంచాలని, ఆక్రమణలకు గురైన వాటిపై చట్టపరమైన చర్యలు తీసుకోవాలని విజ్ఞప్తి చేశారు. ఈ సందర్భంగా నూతనంగా జిల్లా డిసిసి మైనార్టీ చైర్మన్ గా బాధ్యతలు స్వీకరించిన నయీమ్ ను వక్ఫ్ బోర్డు చైర్మన్ శాలువాతో సన్మానించి అభినందించారు. జిల్లాలో మైనారిటీలను సంఘటితం చేస్తూ కాంగ్రెస్ బలోపేతానికి కృషి చేయాలని సూచించారు. వక్ఫ్ ఆస్తుల పరిరక్షణకు చర్యలు తీసుకుంటామని చైర్మన్ హామీ ఇచ్చినట్లు నయీమ్ తెలిపారు.

*దళిత జర్నలిస్టులపై థర్డ్ డిగ్రీ ప్రజాస్వామ్యంపై దాడి*

*ఘటనకు బాధ్యులైన పోలీసులపై అట్రాసిటీ కేసులు నమోదు చేసి కఠిన చర్యలు తీసుకోవాలి*

*తెలంగాణ రక్షణ సేన చీఫ్ కల్వకుంట్ల కవిత*

హైదరాబాద్ :
దళిత జర్నలిస్టులపై థర్డ్ డిగ్రీ ప్రయోగించడం ప్రజాస్వామ్యంపై దాడి అని తెలంగాణ రక్షణ సేన అధ్యక్షులు కల్వకుంట్ల కవిత పేర్కొన్నారు. రాజన్న సిరిసిల్ల జిల్లా గంభీరావుపేటలో దళిత జర్నలిస్టులు పొత్తూరి శేఖర్, సంపత్ లపై థర్డ్ డిగ్రీ ప్రయోగించిన గంభీరావు పేట్ ఎస్సై శ్రీకాంత్ పై కఠిన చర్యలు తీసుకోవాలని ఆమె డిమాండ్ చేశారు. ఈ మేరకు గురువారం "ఎక్స్" లో పోస్ట్ చేశారు. జర్నలిస్టులపై థర్డ్ డిగ్రీకి పాల్పడిన ఎస్సై సహా మిగతా పోలీసులపై ఎస్సీ, ఎస్టీ అట్రాసిటీ చట్టం కింద కేసులు నమోదు చేయాలన్నారు. ఎస్సై భూ అక్రమాలు, పంచాయతీలు, సెటిల్ మెంట్లపై వార్తలు రాస్తే అక్రమ కేసులు పెట్టి థర్డ్ డిగ్రీ ప్రయోగిస్తారా అని ప్రశ్నించారు. గంభీరావుపేట పోలీస్ స్టేషన్‌లోనే జర్నలిస్టుల నోట్లో గుడ్డలు కుక్కి, అత్యంత పాశవికంగా థర్డ్ డిగ్రీ ప్రయోగించి వారిని తీవ్రంగా హింసించారన్నారు. ఇది అత్యంత అమానుష చర్య అంటూ ఆగ్రహం వ్యక్తం చేశారు. బాధితులకు మేజిస్ట్రేట్ రిమాండ్ తిరస్కరించారంటే ఏ స్థాయిలో వారిపై పోలీసులు దాడి చేశారో అర్థం చేసుకోవచ్చన్నారు. ప్రజాస్వామ్యంలో నాలుగో స్తంభమైన మీడియాపై ఈ తరహా దాడులు ఆక్షేపణీయమన్నారు. జర్నలిస్టులపై థర్డ్ డిగ్రీ ప్రయోగించడం అత్యంత దుర్మార్గమైన చర్య అని..ఈ ఘటనకు బాధ్యుడైన గంభీరావుపేట ఎస్సై పై నామమాత్రపు చర్యలతో సరిపెట్టాలని చూస్తే అది పోలీసు వ్యవస్థకు మచ్చ తెస్తుందన్నారు. ఈ విషయంపై డీజీపీ వెంటనే స్పందించి ఎస్సైతో పాటు బాధ్యులపై వారందరిపై అట్రాసిటీ కేసులు నమోదు చేసి కఠిన చర్యలు తీసుకోవాలని డిమాండ్ చేశారు.

 రిపోర్టర్లపై ఎస్ఐ థర్డ్ డిగ్రీ ప్రయోగం... ఎస్పీ కార్యాలయానికి అటాచ్
రాజన్న సిరిసిల్ల జిల్లా:
రాజన్న సిరిసిల్ల జిల్లా గంభీరావుపేట మండలంలో పోలీసుల అధికార దుర్వినియోగం, లంచాల వసూళ్లపై వార్తలు రాసినందుకు 'ఏక్ ధమ్' న్యూస్ రిపోర్టర్లు శేఖర్, సంపత్‌లపై గంభీరావుపేట ఎస్ఐ శ్రీకాంత్ అత్యంత అమానుషంగా 'థర్డ్ డిగ్రీ' ప్రయోగించారు. విధి నిర్వహణలో ఉన్న జర్నలిస్టులపై పోలీసులు ఈ విధమైన దుశ్చర్యకు పాల్పడడం ఉమ్మడి జిల్లా వ్యాప్తంగా తీవ్ర సంచలనం సృష్టించింది.
పోలీసుల అవినీతి, అధికార దుర్వినియోగం మరియు లంచాల బాగోతంపై 'ఏక్ ధమ్' న్యూస్ రిపోర్టర్లు శేఖర్, సంపత్ ధైర్యంగా సత్యశోధన కథనాలు ప్రచురించారు. దీనిపై కక్షగట్టిన గంభీరావుపేట ఎస్ఐ శ్రీకాంత్ తన అధికార బలంతో వారిని టార్గెట్ చేసి దారుణంగా చితకబాదారు.
జర్నలిస్టులపై జరిగిన ఈ పాశవిక దాడి, పోలీసుల అరాచకంపై ప్రజా సంఘాలు మరియు జర్నలిస్టు వర్గాల నుండి తీవ్ర నిరసనలు వ్యక్తమయ్యాయి. ఈ పరిణామాన్ని రాజన్న సిరిసిల్ల జిల్లా ఎస్పీ మహేష్ బి. గీతే అత్యంత సీరియస్‌గా తీసుకుని వెంటనే స్పందించారు. తక్షణమే చర్యలకు ఉపక్రమిస్తూ, బాధ్యుడైన గంభీరావుపేట ఎస్ఐ శ్రీకాంత్‌ను ఎస్పీ కార్యాలయానికి అటాచ్ చేస్తూ ఉత్తర్వులు జారీ చేశారు. చట్టాన్ని చేతిలోకి తీసుకుని, పత్రికా స్వేచ్ఛపై దాడి చేసే ఎవరినైనా ఉపేక్షించేది లేదని, ఈ ఘటనపై సమగ్ర విచారణ జరిపి తగు కఠిన చర్యలు తీసుకుంటామని పోలీసు వర్గాలు స్పష్టం చేశాయి.

డీసీసీ మైనారిటీ చైర్మన్ నయీమ్ కు ఘనంగా సన్మానం..

కోరుట్ల, అక్టోబర్ 14

జగిత్యాల జిల్లా కాంగ్రెస్ కమిటీ మైనారిటీ చైర్మన్‌గా బాధ్యతలు స్వీకరించిన ఎం.ఏ. నయీమ్ ను ఏఆర్ వెజిటబుల్స్ యాజమాన్యం మొహమ్మద్ అర్షద్ మరియు మొహమ్మద్ అష్షు లు ఘనంగా సన్మానించారు. ఈ సందర్భంగా నయీమ్ భాయ్‌కు శాలువాలు కప్పి, శుభాకాంక్షలు తెలియజేశారు. మైనారిటీల అభ్యున్నతికి, యువత సంక్షేమానికి, సమాజంలోని అన్ని వర్గాల అభివృద్ధికి నయీమ్  మరింత కృషి చేయాలని ఆకాంక్షించారు. ప్రజలతో సత్సంబంధాలు కలిగి, ప్రజాసేవలో ముందుండే ఆయనకు జిల్లా స్థాయిలో కీలక బాధ్యతలు లభించడం పట్ల హర్షం వ్యక్తం చేశారు.ఇట్టి సన్మాన కార్యక్రమంలో పలువురు మైనారిటీ యువకులు పాల్గొన్నారు.

ప్రతిభ కనబర్చిన పోలీసులకు ప్రశంసా పత్రాలు 

చురకలు విలేఖరి 
కరీంనగర్ రూరల్, అక్టోబర్, 13

విధి నిర్వహణలో ప్రతిభ కనబరిచిన కరీంనగర్ రూరల్ పోలీసులకు ప్రశంసా పత్రాలు
కరీంనగర్ పోలీస్ కమిషనరేట్ కార్యాలయ ఆవరణలో నిన్న నిర్వహించిన సమీక్షా కార్యక్రమంలో విధి నిర్వహణలో ప్రతిభ కనబరిచిన పోలీసు అధికారులు, సిబ్బందిని కరీంనగర్ పోలీస్ కమిషనర్  గౌష్ ఆలం  గుర్తించి అభినందించారు.
ఈ సందర్భంగా కరీంనగర్ రూరల్ పోలీస్ స్టేషన్‌కు చెందిన ఎస్‌ఐ ఎ. లక్ష్మారెడ్డి, పోలీస్ కానిస్టేబుళ్లు రవి, అంజయ్య, సాగర్, మహిళా కానిస్టేబుల్ కీర్తన తమ విధి నిర్వహణలో కనబరిచిన పనితీరును పరిగణనలోకి తీసుకొని, వారికి ప్రశంసా పత్రాలను అందజేశారు.
ప్రజలకు మెరుగైన పోలీస్ సేవలు అందించడం, విధి నిర్వహణలో అంకితభావంతో పనిచేయడం, బాధ్యతాయుతంగా వ్యవహరించడం వంటి అంశాల్లో పోలీసు సిబ్బంది చూపే నిబద్ధతను గుర్తించి ప్రోత్సహించడంలో భాగంగా ఈ ప్రశంసా పత్రాలను అందజేశారు.
ఈ సందర్భంగా ప్రశంసా పత్రాలు అందుకున్న పోలీసు అధికారులు, సిబ్బందిని కరీంనగర్ రూరల్ పోలీస్ స్టేషన్ ఇన్‌స్పెక్టర్ ఎ. నిరంజన్ రెడ్డి అభినందించారు. భవిష్యత్తులోనూ ఇదే స్ఫూర్తితో విధులు నిర్వహిస్తూ ప్రజలకు మరింత మెరుగైన సేవలు అందించాలని కోరారు.

*ఇద్దరు ఇన్‌స్పెక్టర్ల బదిలీ*

*తిమ్మాపూర్‌కు అనిల్‌.. కోరుట్లకు తిరుపతి*

మల్టీ జోన్‌-1 పరిధిలో పనిచేస్తున్న ఇద్దరు ఇన్‌స్పెక్టర్లను బదిలీ చేస్తూ ఐజీపీ చంద్రశేఖర్‌ రెడ్డి సోమవారం ఉత్తర్వులు జారీ చేశారు. *రామగుండం సీసీఆర్‌బీలో పనిచేస్తున్న బి. అనిల్‌ను కరీంనగర్‌ కమిషనరేట్‌ పరిధిలోని తిమ్మాపూర్‌ సర్కిల్‌కు, కరీంనగర్‌ సీపీసీలో పనిచేస్తున్న కొమ్ము తిరుపతిని కోరుట్ల సర్కిల్‌కు బదిలీ చేశారు*.

తిమ్మాపూర్‌లో పనిచేస్తున్న బొల్లం రమేష్‌ ఇటీవల సస్పెండ్‌ అయిన విషయం తెలిసిందే. కోరుట్లలో పనిచేసిన లక్ష్మీనారాయణను గతవారం మల్టీ జోన్‌ కార్యాలయానికి బదిలీ చేశారు.

మసీద్-ఎ-హజారీ కమిటీ నియామకం.

జగిత్యాల, అక్టోబర్ 11:

జగిత్యాల జిల్లా కేంద్రంలోని హజారి మహల్లాలో ఉన్న అషూర్ ఖానా,  మసీద్-ఎ-హజారీల నిర్వహణకు మేనేజింగ్ కమిటీని నియమిస్తూ ఆదివారం తెలంగాణ రాష్ట్ర వక్ఫ్ బోర్డు చీఫ్ ఎగ్జిక్యూటివ్ ఆఫీసర్ జనాబ్ మహ్మద్ అసదుల్లా ఉత్తర్వులు జారీ చేశారు. తెలంగాణ వక్ఫ్ బోర్డు ప్రొసీడింగ్స్ నెం. 01/జెజిటీవైఎల్/ఎంసీ/2025/జడ్-IV, తేదీ 29-09-2026 ప్రకారం మహ్మద్ అబ్దుల్ మోహ్సిన్ దరఖాస్తు మేరకు, వక్ఫ్ ఇన్స్పెక్టర్ ఆడిటర్, సర్వేయర్ నివేదిక ఆధారంగా, చైర్మన్ ఆదేశాలతో ఈ కమిటీని ఏర్పాటు చేశారు. వక్ఫ్ చట్టం 1995 సెక్షన్ 18 ప్రకారం ఏడాది కాలానికి (బోర్డు రాటిఫికేషన్ కు లోబడి) ఈ కమిటీని నియమించారు. 6 నెలల్లోగా అషూర్ ఖానాను పునరుద్ధరించాలని ఆదేశించారు. కాగా మహ్మద్ అబ్దుల్ మోహ్సిన్ ను అధ్యక్షులుగా, ఖాజా తాజుద్దీన్ ను ఉపాధ్యక్షులుగా, షేక్ అర్షద్ హుస్సేన్ ను కార్యదర్శిగా, మహ్మద్ అబ్దుల్ మాలిక్ ముకర్రం ను ప్రధాన కార్యదర్శిగా, 
, మహ్మద్ ఖిజర్ ను కోశాధికారిగా నియమించారు. అషూర్ ఖానాతో పాటు దానికి అనుబంధంగా ఉన్న మసీదును కూడా కమిటీ నిర్వహించాలని, వక్ఫ్ రెగ్యులేషన్స్ 2009 ప్రకారం విధులు నిర్వర్తించాలని, ఉల్లంఘిస్తే వక్ఫ్ చట్టం 1995 సెక్షన్ 67 కింద చర్యలు ఉంటాయని ఉత్తర్వుల్లో పేర్కొన్నారు.

*ఈ నెల 27న పోలింగ్ కేంద్రాల పరిధిలో గ్రామసభలు/వార్డుసభలు*

   *అర్హులైన ప్రతి ఒక్కరూ ఓటరుగా నమోదు చేసుకోవాలి*
*జిల్లా ఎన్నికల అధికారి, జిల్లా కలెక్టర్ బి. సత్య ప్రసాద్*

    భారత ఎన్నికల సంఘం ఆదేశాల మేరకు, 01.10.2026ను అర్హత తేదీగా పరిగణిస్తూ చేపట్టిన ఓటరు జాబితాల ప్రత్యేక సమగ్ర సవరణ (Special Intensive Revision–SIR), 2026లో భాగంగా ఈ నెల 27న జిల్లాలోని అన్ని పోలింగ్ కేంద్రాల పరిధిలో గ్రామసభలు/వార్డుసభలు నిర్వహించనున్నట్లు జిల్లా ఎన్నికల అధికారి, జిల్లా కలెక్టర్ బి. సత్య ప్రసాద్ తెలిపారు.

    గ్రామీణ ప్రాంతాల్లో సంబంధిత గ్రామ పంచాయతీ భవనాల్లో గ్రామసభలు, పట్టణ ప్రాంతాల్లో సంబంధిత పోలింగ్ కేంద్రాల్లో వార్డుసభలు నిర్వహించనున్నట్లు పేర్కొన్నారు. ఈ సభల్లో సంబంధిత బూత్ స్థాయి అధికారులు (BLOలు), ఎన్నికల పాఠశాల (చునావ్ పాఠశాల) సభ్యులు పాల్గొంటారని తెలిపారు.

    గ్రామసభలు/వార్డుసభల్లో ముసాయిదా ఓటరు జాబితాలో నమోదైన ఓటర్ల పేర్లను బీఎల్‌ఓలు అందరికీ వినిపించే విధంగా చదివి వినిపిస్తారని తెలిపారు. జాబితాలో పేరు నమోదు కాకుండా మిగిలిపోయిన అర్హులైన భారతీయ పౌరులను గుర్తిస్తారని పేర్కొన్నారు.

   2026 అక్టోబర్ 1వ తేదీ నాటికి 18 సంవత్సరాల వయస్సు పూర్తిచేసుకునే యువత తమ పేర్లను ఓటరు జాబితాలో నమోదు చేసుకునేందుకు నిర్ణీత డిక్లరేషన్‌, అవసరమైన ధ్రువపత్రాలతో ఫారం-6 సమర్పించాలని సూచించారు.
ముసాయిదా ఓటరు జాబితాలో పేరు, వయస్సు, చిరునామా, ఫొటో లేదా ఇతర వివరాల్లో తప్పులు ఉన్నట్లయితే వాటి సవరణ కోసం డిక్లరేషన్‌, తగిన ఆధార పత్రాలతో ఫారం-8 సమర్పించాలని తెలిపారు.

    అర్హత లేకపోయినప్పటికీ ఓటరు జాబితాలో నమోదైన వ్యక్తుల వివరాలను కూడా సభలో గుర్తిస్తారని పేర్కొన్నారు. అలాంటి నమోదుపై అభ్యంతరం తెలిపే వ్యక్తి అదే శాసనసభ నియోజకవర్గానికి చెందిన ఓటరై ఉండాలని, నిర్ణీత డిక్లరేషన్‌తో ఫారం-7 సమర్పించాల్సి ఉంటుందని వివరించారు.

    క్లెయిమ్‌లు, అభ్యంతరాలు, ధ్రువీకరణకు సంబంధించిన గడువు, భారత ఎన్నికల సంఘం నిర్దేశించిన అవసరమైన పత్రాలు, ఓటరు జాబితాల ప్రత్యేక సమగ్ర సవరణకు సంబంధించిన ఇతర అంశాలపై సభల్లో అవగాహన కల్పిస్తారని తెలిపారు.

    జిల్లాలోని అర్హులైన పౌరులు, ముఖ్యంగా 18 సంవత్సరాలు నిండనున్న యువత ఈ గ్రామసభలు/వార్డుసభలకు హాజరై తమ పేర్లు ఓటరు జాబితాలో ఉన్నాయో లేదో పరిశీలించుకోవాలని కలెక్టర్ కోరారు. ఓటరు జాబితాలో పేర్ల నమోదు, సవరణ లేదా అభ్యంతరాలకు సంబంధించిన అవకాశాన్ని ప్రతి ఒక్కరూ సద్వినియోగం చేసుకోవాలని విజ్ఞప్తి చేశారు.

        గ్రామసభలు/వార్డుసభలను విజయవంతంగా నిర్వహించేందుకు సంబంధిత ఎన్నికల నమోదు అధికారులు (EROలు), సహాయ ఎన్నికల నమోదు అధికారులు (AEROలు), బీఎల్‌ఓలు, గ్రామ పంచాయతీ, మున్సిపల్ అధికారులు సమన్వయంతో పనిచేయాలని ఆదేశించారు. సభల నిర్వహణకు సంబంధించిన కార్యవివరణను నమోదు చేయడంతోపాటు ఫొటోలను తీసి బీఎల్‌ఓ రిజిస్టర్‌లో భద్రపరచాలని సూచించారు.

గల్ఫ్ జన సేన యూఏఈ అండ.. జగిత్యాల కార్మికుడికి సహాయం

చురకలు ప్రతినిధి, జగిత్యాల, ఆగస్టు 21 : దుబాయ్ లో ఏజెంట్ మోసానికి గురైన జగిత్యాల జిల్లాకు చెందిన కుంచెపు ఎల్లయ్యకు గల్ఫ్ జన సేన యూఏఈ ఎగ్జిక్యూటివ్ టీమ్ సహాయం అందించింది. ఆరోగ్య పరిస్థితి కూడా సరిగా లేక తీవ్ర ఇబ్బందులు ఎదుర్కొంటున్న ఎల్లయ్యకు వసతి కల్పించడంతో పాటు, వీసా క్యాన్సిలేషన్ ప్రక్రియలో అవసరమైన సహాయం అందించారు. అంతేకాకుండా, విమాన టికెట్ను కూడా ఏర్పాటు చేసి స్వదేశానికి సురక్షితంగా చేరుకునేందుకు సహకరించారు. కష్టాల్లో ఉన్న తెలుగు రాష్ట్రాల కార్మికులకు అండగా నిలవడం గల్ఫ్ జన సేన ప్రధాన బాధ్యత అని గల్ఫ్ జనసేన యూఏఈ ఇంచార్జ్ కేసరి త్రిమూర్తులు పేర్కొన్నారు. గల్ఫ్ జనసేన నేషనల్ కన్వీనర్ మొగళ్ల చంద్రశేఖర్ మాట్లాడుతూ విదేశాల్లో ఇబ్బందులు ఎదుర్కొంటున్న ప్రవాసాంధ్రులకు గల్ఫ్ జనసేన ఎల్లప్పుడూ అండగా ఉంటుందని తెలిపారు. ఎల్లయ్య గల్ఫ్ జనసేన యూఏఈ ఎగ్జిక్యూటివ్ టీమ్ కు హృదయపూర్వక ధన్యవాదాలు తెలిపారు.

కాన్సులేట్ జనరల్ లో ఘనంగా స్వాత్రంత్ర వేడుకలు 

జెద్దా, ఆగస్టు, 17

జెడ్డాలోని భారత కాన్సులేట్ జనరల్, తమ ప్రాంగణంలో 15 ఆగస్టు 2026న భారతదేశ 80వ స్వాతంత్ర్య దినోత్సవాన్ని ఘనంగా జరుపుకుంది. ఈ వేడుకలో భారతీయ సమాజానికి చెందిన సుమారు 600 మంది సభ్యులు, కాన్సులేట్ అధికారులు, సిబ్బంది మరియు భారతదేశ మిత్రులు ఉత్సాహంగా పాల్గొన్నారు.

 జాతీయ గీతాలాపనతో వేడుకలు ప్రారంభమయ్యాయి. అనంతరం కాన్సుల్ జనరల్  ఫహద్ అహ్మద్ ఖాన్ సూరి జాతీయ పతాకాన్ని ఎగురవేసి, జాతీయ గీతాన్ని ఆలపించారు. అనంతరం కాన్సుల్ జనరల్, 80వ స్వాతంత్ర్య దినోత్సవ సందర్భంగా గౌరవనీయ భారత రాష్ట్రపతి జాతికి చేసిన ప్రసంగాన్ని చదివి వినిపించారు.
. తన ప్రసంగంలో, కాన్సుల్ జనరల్ భారతదేశం యొక్క అద్భుతమైన ప్రగతి మరియు పరివర్తన ప్రయాణాన్ని, అలాగే 2047 నాటికి 'విక్షత్ భారత్' దార్శనికత దిశగా సాగుతున్న సామూహిక కృషిని గురించి ప్రస్తావించారు. పెరుగుతున్న భారత్-సౌదీ అరేబియా వ్యూహాత్మక భాగస్వామ్యాన్ని ఆయన ప్రముఖంగా పేర్కొన్నారు. సౌదీ అరేబియా రాజ్యంలో ఉన్న 27 లక్షల మంది భారతీయ సమాజం, రెండు దేశాల మధ్య ఒక సజీవ వారధిగా అందిస్తున్న అమూల్యమైన సేవలను ఆయన గుర్తించారు. అంతేకాకుండా, తక్షణ స్పందన, అందుబాటు మరియు ప్రజల కేంద్రీకృత సేవలను అందించడంలో కాన్సులేట్ యొక్క నిబద్ధతను ఆయన పునరుద్ఘాటించారు.
 ఈ వేడుకలు భారతదేశం యొక్క గొప్ప సాంస్కృతిక వైవిధ్యాన్ని కూడా ప్రదర్శించాయి. జెడ్డాలోని అంతర్జాతీయ భారతీయ పాఠశాల విద్యార్థులు మరియు భారతీయ సమాజ సభ్యులు దేశభక్తి గీతాలను ఆలపించి, ఈ కార్యక్రమానికి మరింత దేశభక్తిని జోడించారు. స్వాతంత్ర్య దినోత్సవానికి ముందు నిర్వహించిన వివిధ పోటీల విజేతలను ఈ కార్యక్రమంలో సన్మానించారు. ఈ వేడుకలలో భారతదేశం యొక్క గొప్ప పాక వారసత్వాన్ని ప్రతిబింబించేలా, విభిన్న ప్రాంతీయ భారతీయ వంటకాలను కూడా ప్రదర్శించారు. ఈ మెనూలో కాన్సులేట్ యొక్క 'సాత్విక్ ఆహార్' చొరవ స్ఫూర్తిని కూడా పొందుపరిచారు. ఇది సమతుల్య పోషణ, ఆరోగ్యకరమైన ఆహార ఎంపికలు మరియు ఆరోగ్యకరమైన జీవనశైలిపై దాని నిరంతర ప్రాధాన్యతను బలపరిచింది. 5. వేడుకల్లో భాగంగా కాన్సులేట్‌లో ఒక ప్రత్యేక 'హర్ ఘర్ త్రివర్ణ పతాకం' ప్రదర్శనను ఏర్పాటు చేశారు. భారతీయ సమాజ సభ్యులు, అతిథులు, కాన్సులేట్ అధికారులు మరియు వారి కుటుంబ సభ్యులు ఈ ప్రదర్శనను సందర్శించి, భారతదేశ ఐక్యత, స్వేచ్ఛ మరియు ఉమ్మడి జాతీయ గర్వానికి ప్రతీక అయిన త్రివర్ణ పతాకాన్ని వేడుకగా జరుపుకుంటూ, 'హర్ ఘర్ త్రివర్ణ పతాకం' ప్రచారంలో ఉత్సాహంగా పాల్గొన్నారు.

 ఈ వేడుకలలో భాగంగా 'స్వచ్ఛతా అభియాన్' కింద ఒక స్వచ్ఛతా కార్యక్రమం కూడా నిర్వహించబడింది. ఇందులో కాన్సులేట్ సభ్యులు మరియు భారతీయ సమాజ సభ్యులు పాల్గొని, పరిశుభ్రత మరియు మెరుగైన పర్యావరణం పట్ల తమ సామూహిక బాధ్యతను చాటిచెప్పారు.

సెప్టెంబర్ 4న ముస్లిం కమిటీ అధ్యక్ష ఎన్నికలు.

నోటిఫికేషన్ విడుదల చేసిన ఎన్నికల కమిషనర్ మహామ్మద్ ఇమ్రాన్.

జగిత్యాల, ఆగస్టు 15 : జగిత్యాల ముస్లిం సెంట్రల్ ఎన్నికల కమిటీ సమావేశం ఎన్నికల కమిషనర్ మొహమ్మద్ ఇమ్రాన్ అధ్యక్షతన శనివారం ముస్లిం కమ్యూనిటీ హల్ లో నిర్వహించారు. ఈ సందర్బంగా జగిత్యాల ముస్లిం సెంట్రల్ కమిటీ నూతన అధ్యక్షుని ఎన్నికకు సంబంధించి ఎన్నిక నిర్వహణపై ఎన్నికల కమిటీ సభ్యులు చర్చించారు. ఈ సందర్బంగా ఎన్నికల కమిషనర్ మొహమ్మద్ ఇమ్రాన్ మాట్లాడుతూ జగిత్యాల ముస్లిం సెంట్రల్ ఎన్నికల కమిటీ సమావేశాన్ని నిర్వహించామని, జగిత్యాల ముస్లిం సెంట్రల్  కమిటీ నూతన అధ్యక్షుని ఎన్నికకు సంబంధించి ఎన్నిక నిర్వహణకు కమిటీ సభ్యుల అభిప్రాయాలు తెలుసుకొని, ఎన్నిక నిర్వహణకు చర్యలు చేపడుతున్నామని, సెప్టెంబర్ 4న ఎన్నికలు నిర్వహించేందుకు కమిటీ నిర్ణయించిందన్నారు. అనంతరం ఎన్నికల కమిటీ సభ్యులతో కలిసి జగిత్యాల సెంట్రల్ ముస్లిం కమిటీ ఎన్నికల నోటిఫికేషన్ విడుదల చేశారు. ఈ సమావేశంలో  
జగిత్యాల ముస్లిం సెంట్రల్ ఎన్నికల కమిటీ సభ్యులు ఆదిల్ పటేల్, తస్లిమ్ పాషా, అబ్దుల్లా, మాక్బుల్, సయ్యద్ అజీమ్, ముజహిద్ పాట్వరి, నేహాల్, అఖీల్ ఉద్దీన్ జావీద్, షాజీ ఫెరోజ్, షహేరజ్ ఉద్దీన్ మోసిక్, ఫజల్ బేగ్, నహిద్, షహేబాజ్, ఆరిఫ్, రూమన్, కలీమ్ షహేబాజ్, ఆరిఫ్, రూమన్, ఇర్షాద్   ఆసిమ,తదితరులుపాలొగొన్నారు

బీర్పూర్ తహసీల్దార్ ఆఫీస్ లో ఏసీబీ దాడి.
 
రెడ్ హ్యాండెడ్ గా పట్టుబడిన గిర్దావర్ రాహుల్.

చురకలు ప్రతినిధి, జగిత్యాల / బీర్పూర్, ఆగస్టు 14: బీర్పూర్ మండల తహసీల్దార్ కార్యాలయంలో ఏసీబీ అధికారులు గురువారం దాడి నిర్వహించారు.  ఓ బాధితురాలి నుండి రూ.30,000 లంచం తీసుకుంటుండగా గిర్దావర్ రాహుల్ ను ఏసీబీ డీఎస్పీ గట్ల మహేందర్ రెడ్డి ఆధ్వర్యంలోని బృందం రెడ్ హ్యాండెడ్ గా పట్టుకుంది. 
నిందితుడిని అదుపులోకి తీసుకుని విచారణ చేపడుతున్నారు.

*బృందావనం రిసార్ట్‌ అధినేత కొండలరావు పుట్టినరోజు వేడుకలు*
కొడిమ్యాల ఆగస్టు 11.( చురకలు ) మండలంలోని నాచుపల్లి గ్రామంలో ఉన్న బృందావనం రిసార్ట్ అధినేత కొండల్ రావు పుట్టినరోజు వేడుకలను ప్రెస్ మిత్రులు ఘనంగా నిర్వహించారు. ఈ సందర్భంగా మీడియా మిత్రుల సమక్షంలో కొండల్ రావు కేక్ కట్ చేసి పుట్టినరోజు వేడుకలు జరుపుకున్నారు. అనంతరం ప్రెస్ మిత్రులు ఆయనకు పుష్పగుచ్ఛాలు అందజేసి పుట్టినరోజు శుభాకాంక్షలు తెలిపారు.అదే రోజు నవగీతం న్యూస్.స్టార్ 9 న్యూస్ రిపోర్టర్ చెన్న దేవేందర్ పుట్టినరోజు కూడా కావడంతో బృందావనం రిసార్ట్‌లోనే మీడియా మిత్రుల సమక్షంలో కేక్ కట్ చేసి సంబరాలు జరుపుకున్నారు. అనంతరం పరస్పరం శుభాకాంక్షలు తెలుపుకొని స్వీట్లు పంపిణీ చేసుకున్నారు.ఈ సందర్భంగా మీడియా మిత్రులు మాట్లాడుతూ కొండల్ రావు, చెన్న దేవేందర్‌లు ఆయురారోగ్యాలతో, ఆనందంగా, అభివృద్ధితో, శ్రేయస్సుతో జీవితంలో మరింత ఉన్నత స్థాయికి ఎదగాలని ఆకాంక్షించారు.ఈ కార్యక్రమంలో చొక్కాల మహిపాల్, చెన్న దేవేందర్, కొండూరి సురేష్, భోగ సూర్య, మార్గం ఆదిత్య, కంచర్ల గంగాచారి, కొత్తూరు పవన్ తదితర ప్రెస్ మిత్రులు పాల్గొన్నారు.

మాల్టాలో రోడ్డు ప్రమాదం... జగిత్యాల వాసి మృతి.

చురకలు ప్రతినిధి, జగిత్యాల, ఆగస్టు 11: యూరప్ లోని మాల్టాలో మంగళవారం జరిగిన ఘోర రోడ్డు ప్రమాదంలో జగిత్యాల పట్టణానికి చెందిన జావీద్ అబ్దుల్లా(27) అనే యువకుడు మృతి చెందాడు. మృతుడు పావోలా ప్రాంతంలో నివసిస్తునట్లు తెలిసింది. ఈ ప్రమాదం ఖోర్మి పట్టణంలోని త్రిక్ తల్-హండాక్ వద్ద ఉదయం  జరిగిందని, మృతుడు నడుపుతున్న టయోటా టోయేస్ వాహనం, లారీలు ఢీకొన్నాయి. సమాచారం అందుకున్న వెంటనే సివిల్ ప్రొటెక్షన్ సిబ్బంది, వైద్య బృందం ఘటనా స్థలానికి చేరుకున్నారు. అప్పటికే ఆ యువకుడు అక్కడికక్కడే మృతి చెందినట్లు వైద్యులు ధృవీకరించారు. జావీద్ అబ్దుల్లాకు గత మార్చిలో వివాహం అయింది. ఈ వార్త తెలుసుకున్న కుటుంబసభ్యులు కన్నీరుమున్నీరుగా విలపిస్తున్నారు.

*అట్టహాసంగా అలరించిన ఆల్ఫోర్స్ జూనియర్ కళాశాల “JOYz” ఫ్రెషర్స్ డే వేడుకలు*

జగిత్యాల ఆల్ఫోర్స్ జూనియర్ కళాశాలలో “AJOYz” పేరుతో నిర్వహించిన ఫ్రెషర్స్ డే వేడుకలు అట్టహాసంగా, అత్యంత ఉత్సాహభరిత వాతావరణంలో ఘనంగా జరిగాయి. విద్యార్థుల ఆటపాటలు, నృత్యాలు, సాంస్కృతిక ప్రదర్శనలు, వివిధ వినోద కార్యక్రమాలతో కళాశాల ప్రాంగణం సందడిగా మారింది.

ఈ కార్యక్రమానికి ఆల్ఫోర్స్ విద్యాసంస్థల అధినేత డాక్టర్ వి. నరేందర్ రెడ్డి గారు ముఖ్య అతిథిగా హాజరయ్యారు. ముందుగా అమ్మవారి చిత్రపటానికి పూలమాల వేసి, జ్యోతి ప్రజ్వలన చేసి కార్యక్రమాన్ని ప్రారంభించారు.

ఈ సందర్భంగా డాక్టర్ వి. నరేందర్ రెడ్డి గారు మాట్లాడుతూ, విద్యార్థులు చదువులోనే కాకుండా అన్ని రంగాల్లోనూ ఉత్తమ ప్రతిభ కనబరచాలని ఆకాంక్షించారు. విద్యార్థులలో దాగి ఉన్న ప్రతిభను వెలికితీసేందుకు విద్యతో పాటు సాంస్కృతిక, క్రీడా మరియు సృజనాత్మక కార్యక్రమాలను ప్రోత్సహించాల్సిన అవసరం ఉందని తెలిపారు. క్రమశిక్షణ, ఆత్మవిశ్వాసం, పట్టుదలతో ముందుకు సాగుతూ ఉన్నత లక్ష్యాలను సాధించాలని విద్యార్థులకు సూచించారు.

“JOYz” ఫ్రెషర్స్ డే వేడుకల్లో విద్యార్థులు ఉత్సాహంగా పాల్గొని తమ ప్రతిభను చాటుకున్నారు. వివిధ కేటగిరీలలో నిర్వహించిన పోటీలలో విద్యార్థులు అద్భుతమైన ప్రదర్శన కనబరిచారు. ఉత్తమ ప్రతిభ కనబరిచిన విద్యార్థులను ఎంపిక చేసి ప్రత్యేకంగా అభినందించి, బహుమతులు అందజేశారు.

కొత్తగా కళాశాలలో చేరిన విద్యార్థులకు ఈ కార్యక్రమం మంచి ఆత్మీయ పరిచయ వేదికగా నిలిచింది. విద్యార్థుల మధ్య స్నేహభావాన్ని పెంపొందించడంతో పాటు వారిలో కొత్త ఉత్సాహాన్ని నింపింది.

ఈ కార్యక్రమంలో కళాశాల ప్రిన్సిపాల్స్, అధ్యాపకులు, సిబ్బంది మరియు విద్యార్థులు పెద్ద సంఖ్యలో పాల్గొని కార్యక్రమాన్ని విజయవంతం చేశారు.

*🔊‘సర్‌’లో బీఎల్‌వోలకు ఎడిట్‌ ఆప్షన్‌*

*🔶డిజిటలైజేషన్‌ తర్వాత తప్పుల సవరణకు వీలు*

*🔷ఈ నెల 10 వరకు అవకాశం*

 *🍥ఓటర్ల జాబితా ప్రత్యేక సమగ్ర సవరణ(సర్‌)లో భాగంగా ఎన్యూమరేషన్‌ పత్రాల డిజిటలైజేషన్‌లో ఏమైనా తప్పులు దొర్లితే సరి చేయడానికి బీఎల్‌వోలకు ఎన్నికల సంఘం ఎడిట్‌ ఆప్షన్‌ను కల్పించింది. ఈ నెల 10 వరకు ఇది పని చేస్తుంది. ఓటర్లు ఏమైనా తప్పుడు సమాచారంతో పత్రాలను అందించామని భావించినా.. బీఎల్‌వోలు పొరపాటున ఆన్‌లైన్‌లో తప్పుడు వివరాలు నమోదు చేసినా.. ఎడిట్‌ ఆప్షన్‌ ద్వారా సరిదిద్దవచ్చు. పేరులో అక్షర దోషాలు వంటివాటితోపాటు, ఎస్‌ఐఆర్‌-2002కు సంబంధించిన వివరాల్లో తప్పులు దొర్లినట్లు గుర్తిస్తే బీఎల్‌వోల వద్దకు వెళ్లి ఓటర్లు సరి చేసుకోవచ్చు.* 

*🌀సాధారణంగా ఎన్యూమరేషన్‌ ఫారాల్లో తప్పులు రాస్తే.. వాటినే ఆన్‌లైన్‌లో నమోదు చేస్తారు. ఆగస్టు 17 తర్వాత అలాంటి ఓటర్లకు నోటీసులు వచ్చే అవకాశం ఉంది. అప్పుడు ఎన్నికల సంఘం పేర్కొన్న గుర్తింపు కార్డుల్లో ఏదో ఒకటి చూపించాల్సి ఉంటుంది. ఈ పరిస్థితి ఎదురుకాకుండా లోపాలను గుర్తించి ఎడిట్‌ ఆప్షన్‌తో సరిచేసుకోవచ్చు.*

*💥‘అనామలీస్‌’ ఓటర్లకూ అవకాశం*

*💠షెడ్యూల్‌కు ముందే అధికారులు ఎస్‌ఐఆర్‌-2002తో ప్రస్తుత ఓటర్ల జాబితాను మ్యాపింగ్‌ చేశారు. మ్యాపింగ్‌ జరిగిన ఓటర్లలో సుమారు 80 లక్షల మంది అనామలీస్‌గా (వివరాల్లో కొన్ని తేడాలున్నట్లు) గుర్తించారు. అనామలీస్‌ జాబితాలో ఉన్న ఓటర్లు కూడా ఎడిట్‌ ఆప్షన్‌ ద్వారా సరిచేసుకునే అవకాశం ఉంది. ఎడిట్‌ ఆప్షన్‌ ద్వారా సవరణ చేసినప్పటికీ అందులో భారీ తేడాలను, అనుమానాలను అధికారులు గుర్తిస్తే మాత్రం నోటీసులు అందుతాయి.*

*🥏రాష్ట్రవ్యాప్తంగా ‘సర్‌’ ప్రక్రియలో భాగంగా 55 లక్షల మంది ఓటర్లను ‘అన్‌ కలెక్టబుల్‌’ (చిరునామాలో లేనివారు, శాశ్వతంగా వలస వెళ్లినవారు, డూప్లికేట్‌ ఓటర్లు, చనిపోయినవారు)గా గుర్తించారు. అయితే బీఎల్‌వోలపై లక్ష్యం పూర్తిచేయాలని ఒత్తిడి తీసుకురావడంతో ఫారాలు పంపిణీ కాని.. ఆచూకీ లభ్యం కాని ఓటర్లను ఈ జాబితాలో చేర్చినట్లు విమర్శలున్నాయి. తర్వాత ఆ ఓటర్లు పత్రాల కోసం బీఎల్‌వోల వద్దకు వస్తుండటంతో జరిగిన పొరపాట్లను ఎడిట్‌ ఆప్షన్‌ ద్వారా సరిచేసే వీలుంది.*

*🛟తప్పులు దొర్లాయని భావించి ఎవరైనా ఓటర్లు బీఎల్‌వోల వద్దకు వస్తే వారికి సహకరించాలని ఎన్నికల అధికారులు స్పష్టం చేస్తున్నారు. చాలాచోట్ల ఓటర్లకు ఎడిట్‌ ఆప్షన్‌పై సమాచారం లేదు. కొన్నిచోట్ల తెలిసినా బీఎల్‌వోలు సహకరించడం లేదు. దీనిపై ప్రధాన రాజకీయ పార్టీల నేతలు సైతం ఎన్నికల అధికారులకు వినతిపత్రాలు సమర్పిస్తున్నారు.*

రైస్ మిల్లుల యాజమాని పై కేసు నమోదు 

చురకలు విలేఖరి 
జగిత్యాల, జూలై, 31

 విజిలెన్స్ మరియు ఎన్ఫోర్స్మెంట్ అడిషనల్ సూపర్డెంట్ ఆఫ్ పోలీస్ బసవరెడ్డి  ఆధ్వర్యంలో జిల్లా సివిల్ సప్లై అధికారి ఎస్ జితేందర్ రెడ్డి మరియు ఎన్ఫోర్స్మెంట్ అధికారులు జగిత్యాల జిల్లాలోని శ్రీ అభయాంజనేయ సాయి రైస్ మిల్, శ్రీ లక్ష్మీ బాలాజీ ఇండస్ట్రీస్ మరియు లక్ష్మీ గణపతి ఇండస్ట్రీస్ లలో తనిఖీలు నిర్వహించారు ఈ తనిఖీలలో ప్రభుత్వ నిబంధనలకు విరుద్ధంగా సిఎంఆర్ ధాన్యాన్ని పక్కదారి మళ్లించినట్లు అధికారులు గుర్తించారు విజిలెన్స్ అధికారుల ప్రాథమిక విచారణ మరియు తనిఖీల అనంతరం సుమారు 87 కోట్లకు పైగా విలువైన ప్రభుత్వ ధాన్యం పక్కదారి మళ్లించినట్లు నిర్ధారణ అయినది ఈ అక్రమాలకు పాల్పడిన రైస్ మిల్లుల యాజమాన్యాలపై వెంటనే క్రిమినల్ కేసులు నమోదు చేయాలని జిల్లా కలెక్టర్  ఆదేశించారు. కలెక్టర్  ఆదేశాల మేరకు జగిత్యాల రూరల్ పోలీస్ స్టేషన్లో క్రిమినల్ కేసులు నమోదు చేశారు.మిల్లు యజమాని కొండ లక్ష్మణ్ తదితరులపై క్రిమినల్ కేసులు నమోదు చేశారు.

జగిత్యాల ముస్లిం సెంట్రల్ ఎన్నికల కమిటీ సమావేశం.

జగిత్యాల, జూలై 20: జగిత్యాల ముస్లిం సెంట్రల్ ఎన్నికల కమిటీ సమావేశం సోమవారం ఎన్నికల కమిషనర్ మొహమ్మద్ ఇమ్రాన్ అధ్యక్షతన నిర్వహించారు. ఈ సందర్బంగా జగిత్యాల ముస్లిం సెంట్రల్ కమిటీ నూతన అధ్యక్షుని ఎన్నికకు సంబంధించి ఎన్నిక నిర్వహణపై ఎన్నికల కమిటీ సభ్యులు చర్చించారు. ఈ సందర్బంగా ఎన్నికల కమిషనర్ మొహమ్మద్ ఇమ్రాన్ మాట్లాడుతూ జగిత్యాల ముస్లిం సెంట్రల్ ఎన్నికల కమిటీ సమావేశాన్ని నిర్వహించామని, జగిత్యాల ముస్లిం సెంట్రల్  కమిటీ నూతన అధ్యక్షుని ఎన్నికకు సంబంధించి ఎన్నిక నిర్వహణకు కమిటీ సభ్యుల అభిప్రాయాలు తెలుసుకొని, ఎన్నిక నిర్వహణకు చర్యలు చేపడుతున్నామని తెలిపారు. ఈ సమావేశంలో  
జగిత్యాల ముస్లిం సెంట్రల్ ఎన్నికల కమిటీ సభ్యులు పాల్గొన్నారు.

మీర్ కాజిమ్ అలీ కి గౌరవ డాక్టరేట్

జగిత్యాల,

జగిత్యాల కు చెందిన మీర్ కాజిమ్ అలీ సామాజిక కార్యకర్త యొక్క సామాజిక సేవలను గుర్తించి సహారా చారిటబుల్ ట్రస్ట్ మీర్ కాజిమ్ అలీ కి గౌరవ డాక్టరేట్ ను ప్రధానం చేశారు.
ఈ సందర్భంగా మీర్ కాజిమ్ అలీ నీ పట్టణ ప్రముఖులు, సామాజిక కార్యకర్తలు అభినందించారు.

జగిత్యాల కమిషనర్ సంతకం ఫోర్జరీ... 

పోలీసులకు ఫిర్యాదు చేసిన కమిషనర్..

చురకలు ప్రతినిధి, జగిత్యాల, జూలై 8 : మున్సిపల్ కమిషనర్ సత్య ప్రణవ్ సంతకాన్ని ఫోర్జరీ చేసి ఓ ఇంటికి రిజిస్ట్రేషన్, మ్యుటేషన్ చేసిన ఘటన కలకలం రేపింది. పట్టణంలోని ఓ ఇంటిపై 52 వేల రూపాయల ఆస్తి పన్ను బకాయి ఉండగానే ఫోర్జరీ పత్రాలతో రిజిస్ట్రేషన్ చేశారు. విషయం తెలిసిన వెంటనే కమిషనర్ జగిత్యాల పట్టణ పోలీస్ స్టేషన్‌లో ఫిర్యాదు చేసినట్లు టౌన్ ఇన్స్ పెక్టర్ కరుణాకర్ తెలిపారు. ఫోర్జరీకి పాల్పడిన వారిపై, ఈ ప్రక్రియలో అధికారుల పాత్రపై విచారణ చేస్తామని, ఇలాంటి ఘటనలు పునరావృతం కాకుండా చర్యలు తీసుకుంటామని కమిషనర్ సత్య ప్రణవ్ పేర్కొన్నారు.

*మల్యాల ఎక్స్ రోడ్ అల్ఫోర్స్ పాఠశాలలో ఘనంగా ముందస్తు బోనాల పండుగ ఉత్సవం* 

 సంస్కృతి సంప్రదాయాలకు ప్రతీకగా బోనాల పండుగ జరుపుకుంటారని ఈ పండుగకు చాలా విశిష్టత ఉన్నదని ఆల్ఫోర్స్ విద్యాసంస్థల అధినేత డాక్టర్ వి నరేందర్ రెడ్డి అన్నారు మల్యాల ఎక్స్ రోడ్ లో గల అల్ఫోర్స్ పాఠశాలలో ఆషాడ మాసం సందర్భంగా అత్యంత భక్తిశ్రద్ధలతో వేడుకగా నిర్వహించినటువంటి ఆల్ఫోర్స్ ముందస్తు బోనాల జాతర ముఖ్యఅతిథిగా హాజరై ముందుగా చేసి శ్రీ నవదుర్గ చిత్రపటానికి ఉత్సవాలను ప్రారంభించారు, ఆల్ఫోర్స్ విద్యాసంస్థల చైర్మన్ మాట్లాడుతూ తెలంగాణ రాష్ట్ర ప్రజలకు బోనాల పండుగ అత్యంత ప్రీతికరమైనదని అన్నారు తెలంగాణ రాష్ట్రంలో ఎన్నో తరాల నుండి కార్యక్రమానికి బోనాలను సమర్పించి ఆయురారోగ్యాలతో అవలంబిస్తున్న ఈ ఘనమైనటువంటి సాంప్రదాయం ఎటువంటి లోటు పాటు లేకుండా కొనసాగించడం చాలా శుభ పరిణామం అని పేర్కొన్నారు బోనాల ఉత్సవాలు కేవలం పల్లెల్లోనే కాకుండా నేటి కాలంలో ప్రపంచవ్యాప్తంగా దేశ విదేశాల్లో సైతం బోనాల పండుగను ఉత్సాహంగా నిర్వహిస్తూ అమ్మవారికి జ్యోతి ప్రజ్వలన ఉండాలని కోరుకుంటూ తమ ప్రేమ ఆప్యాయతలను పూలమాల వేసి చూపిస్తున్నారు మతాలకు అతీతంగా బోనాల పాల్గొన్నారు ఈ సందర్భంగా పండుగ ఉత్సవాలు వైభవంగా జరుపుకోవడం నరేందర్ రెడ్డి ఆనవాయితీగా వస్తున్నదని అదే సంప్రదాయాన్ని నేటితరం కొనసాగించడం తెలంగాణ రాష్ట్రానికి ప్రత్యేకత అని ఆయన అన్నారు, విద్యార్థులు ప్రదర్శించినటువంటి ఓ తల్లి మైసమ్మ పోచమ్మ తెచ్చామమ్మ బోనం అమ్మ బోనమే మా దైవం నృత్యాలు అందర్నీ ఆకర్షింప చేశాయి సుమారు 50 మంది విద్యార్థులు వివిధ సాంప్రదాయ దుస్తుల్లో విచ్చేసి బోనాలను ఎత్తుకొని పండుగ వాతావరణం సృష్టించారు ప్రత్యేకంగా పోతురాజుల వేషధారణలో విచ్చేసిన చిన్నారులు చేసిన విన్యాసాలు చాలా అబ్బురపరిచాయి ఈ కార్యక్రమంలో పాఠశాల ప్రిన్సిపాల్ ఉపాధ్యాయులు, విద్యార్థులు పాల్గొన్నారు

అల్పోర్స్   పాఠశాలలో ఘనంగా బోనాల పండుగ ఉత్సవం

జగిత్యాల 

 సంస్కృతి సంప్రదాయాలకు ప్రతీకగా బోనాల పండుగ జరుపుకుంటారని ఈ పండుగకు చాలా విశిష్టత ఉన్నదని ఆల్ఫోర్స్ విద్యాసంస్థల అధినేత డాక్టర్ వి నరేందర్ రెడ్డి అన్నారు స్థానిక విద్యానగర్, శివవీధిలోని అల్ఫోర్స్ పాఠశాలలో ఆషాడ మాసం సందర్భంగా అత్యంత భక్తిశ్రద్ధలతో వేడుకగా నిర్వహించినటువంటి ఆల్ఫోర్స్ ముందస్తు బోనాల జాతర ముఖ్యఅతిథిగా హాజరై ముందుగా చేసి శ్రీ నవదుర్గ చిత్రపటానికి ఉత్సవాలను ప్రారంభించారు, ఆల్ఫోర్స్ విద్యాసంస్థల చైర్మన్

మాట్లాడుతూ తెలంగాణ రాష్ట్ర ప్రజలకు బోనాల పండుగ అత్యంత ప్రీతికరమైనదని అన్నారు తెలంగాణ రాష్ట్రంలో ఎన్నో తరాల నుండి కార్యక్రమానికి బోనాలను సమర్పించి ఆయురారోగ్యాలతో అవలంబిస్తున్న ఈ ఘనమైనటువంటి సాంప్రదాయం ఎటువంటి లోటు పాటు లేకుండా కొనసాగించడం చాలా శుభ పరిణామం అని పేర్కొన్నారు బోనాల ఉత్సవాలు కేవలం పల్లెల్లోనే కాకుండా నేటి కాలంలో ప్రపంచవ్యాప్తంగా దేశ విదేశాల్లో సైతం బోనాల పండుగను ఉత్సాహంగా నిర్వహిస్తూ అమ్మవారికి జ్యోతి ప్రజ్వలన ఉండాలని కోరుకుంటూ తమ ప్రేమ ఆప్యాయతలను పూలమాల వేసి చూపిస్తున్నారు మతాలకు అతీతంగా బోనాల పాల్గొన్నారు ఈ సందర్భంగా పండుగ ఉత్సవాలు వైభవంగా జరుపుకోవడం నరేందర్ రెడ్డి ఆనవాయితీగా వస్తున్నదని అదే సంప్రదాయాన్ని నేటి

తరం కొనసాగించడం తెలంగాణ రాష్ట్రానికి ప్రత్యేకత అని ఆయన అన్నారు, విద్యార్థులు ప్రదర్శించినటువంటి ఓ తల్లి మైసమ్మ పోచమ్మ తెచ్చామమ్మ బోనం అమ్మ బోనమే మా దైవం నృత్యాలు అందర్నీ ఆకర్షింప చేశాయి సుమారు 50 మంది విద్యార్థులు వివిధ సాంప్రదాయ దుస్తుల్లో విచ్చేసి బోనాలను ఎత్తుకొని పండుగ వాతావరణం సృష్టించారు ప్రత్యేకంగా పోతురాజుల వేషధారణలో విచ్చేసిన చిన్నారులు చేసిన విన్యాసాలు చాలా అబ్బురపరిచాయి ఈ కార్యక్రమంలో పాఠశాల ప్రిన్సిపాల్ ఉపాధ్యాయులు, విద్యార్థులు పాల్గొన్నారు

*మహిళా పోలీసుల ఆరోగ్య రక్షణకు జిల్లా పోలీసుల ప్రత్యేక చొరవ.*

*మహిళా పోలీసుల ఆరోగ్యమే విధి నిర్వహణకు, కుటుంబ సంక్షేమానికి బలమైన పునాది.*

*మహిళా పోలీసులకు సర్వైకల్ క్యాన్సర్ వ్యాక్సినేషన్‌*

జిల్లా ఎస్పీ  అశోక్ కుమార్ 

జిల్లాలో విధులు నిర్వహిస్తున్న పోలీసు సిబ్బంది, అధికారుల ఆరోగ్య పరిరక్షణకు జిల్లా పోలీసు శాఖ అత్యంత ప్రాధాన్యత ఇస్తోందని జిల్లా ఎస్పీ అశోక్ కుమార్ తెలిపారు. ముఖ్యంగా మహిళా పోలీసు అధికారులు ఆరోగ్యంగా ఉన్నప్పుడే కుటుంబానికి, సమాజానికి, పోలీసు శాఖకు మరింత సమర్థవంతంగా సేవలందించగలరన్నారు.

జిల్లాలో విధులు నిర్వహిస్తున్న మహిళా పోలీసు అధికారులకు సర్వైకల్ క్యాన్సర్‌పై అవగాహన కల్పించి, వ్యాధి నివారణ లక్ష్యంగా జగిత్యాల పట్టణంలోని ఐఎంఏ హాల్‌లో సర్వైకల్ క్యాన్సర్ వ్యాక్సినేషన్  కార్యక్రమాన్ని నిర్వహించారు. ఈ కార్యక్రమానికి జిల్లా ఎస్పీ శ్రీ అశోక్ కుమార్ ఐపిఎస్ ముఖ్య అతిథిగా హాజరై ప్రారంభించారు.

ఈసందర్భంగా మహిళా పోలీసు అధికారులు, సిబ్బందిని ఉద్దేశించి ఎస్పీ మాట్లాడుతూ... పోలీసు విధులు అత్యంత బాధ్యతాయుతమైనవని, మహిళా పోలీసు సిబ్బంది కుటుంబ బాధ్యతలతో పాటు విధి నిర్వహణలోనూ విశేష సేవలందిస్తున్నారని అన్నారు. అలాంటి మహిళా సిబ్బంది ఆరోగ్యంగా ఉంటేనే ప్రజలకు మరింత సమర్థవంతమైన సేవలు అందించగలరన్నారు.

మహిళా పోలీసు సిబ్బంది సంక్షేమాన్ని దృష్టిలో ఉంచుకుని ఈఅవగాహన,వ్యాక్సినేషన్ కార్యక్రమాన్ని చేపట్టినట్లు తెలిపారు.సర్వైకల్ క్యాన్సర్ ప్రపంచవ్యాప్తంగా మహిళల్లో ఎక్కువగా కనిపించే క్యాన్సర్లలో ఒకటని, అయితే సరైన సమయంలో HPV వ్యాక్సిన్ తీసుకోవడం, క్రమం తప్పకుండా వైద్య పరీక్షలు చేయించుకోవడం ద్వారా ఈ వ్యాధిని చాలావరకు నివారించవచ్చని తెలిపారు.మహిళలు ఆరోగ్యానికి సంబంధించిన ఎలాంటి సమస్యనైనా నిర్లక్ష్యం చేయకుండా వెంటనే వైద్యులను సంప్రదించాలని తెలిపారు.పోలీసు శాఖలో సిబ్బంది ఆరోగ్య పరిరక్షణకు ప్రాధాన్యత ఇస్తూ ఇలాంటి అవగాహన కార్యక్రమాలు, ఉచిత ఆరోగ్య శిబిరాలు  నిరంతరం కొనసాగుతాయని తెలిపారు.

ఈసందర్భంగా వైద్య నిపుణులు సర్వైకల్ క్యాన్సర్ లక్షణాలు, వ్యాధి నివారణ మార్గాలు, హెచ్ పి వి వ్యాక్సిన్ ప్రాముఖ్యత, ఆరోగ్యకరమైన జీవనశైలి, క్రమం తప్పకుండా ఆరోగ్య పరీక్షలు చేయించుకోవాల్సిన అవసరంపై మహిళా పోలీసు సిబ్బందికి వివరించారు. అనంతరం అర్హులైన మహిళా పోలీసు సిబ్బందికి సర్వైకల్ క్యాన్సర్ వ్యాక్సిన్ అందజేశారు.

ఈకార్యక్రమంలో డీఎస్పీ పురుషోత్తం రెడ్డి, ఐఎంఏ జగిత్యాల అధ్యక్షులు డా. గుడూరి హేమంత్, కార్యదర్శి డా. ఆకుతోట శ్రీనివాస్ రెడ్డి, కోశాధికారి డా. కోటగిరి సుధీర్ కుమార్, టౌన్ ఇన్స్పెక్టర్ కరుణాకర్, ఎస్.ఐ లు గీత, సుప్రియ వైద్య సిబ్బంది, మహిళా పోలీసు అధికారులు, మహిళా కానిస్టేబుళ్లు,
డా. పద్మిని
డా. జి. శ్రీలత
డా. మంగాదేవి
డా. అరుణ
డా. జయంతి తదితరులు పాల్గొన్నారు.

దుబాయ్ రోడ్డు ప్రమాదంలో ముగ్గురు జిల్లా వాసులు మృతి 

జగిత్యాల , జూన్, 09

దుబాయిలో అత్యంత రద్దీగా ఉండే ఎమిరేట్స్ రహదారిపై సోమవారం జరిగిన ప్రమాదంలో ఏడుగురు మరణించారు. వీరిలో ముగ్గురు తెలంగాణ ప్రవాసీయులు ఉండగా అందులో జగిత్యాల జిల్లా వాసులు ఉన్నారు.
దుబాయిలో అత్యంత రద్దీగా ఉండే ఎమిరేట్స్ రహదారిపై సోమవారం జరిగిన ప్రమాదంలో ఏడుగురు మరణించారు. వీరిలో ముగ్గురు తెలంగాణ ప్రవాసీయులు ఉన్నారు. క్షతగాత్రుల్లో నలుగురికి సాధారణ వార్డులో చికిత్స అందిస్తుండగా వీరిలో హైదరాబాద్‌కు చెందిన మొహమ్మద్ సయీద్ కూడా ఉన్నారు. ఇక విషమ పరిస్థితుల్లో ఉన్న ఐదుగురిలో తెలుగు రాష్ట్రాలకు చెందిన వారు ఎంత మంది ఉన్నారనే సమాచారం ఇంకా తెలియలేదు.
మృతులు ముగ్గురూ కూడా జగిత్యాల జిల్లాకు చెందిన వారేనని ప్రాథమిక సమాచారం.జగిత్యాల జిల్లా కొడిమ్యాల మండలం నమిలికొండ గ్రామానికి చెందిన సయ్యద్ సలీం (51), మల్యాల మండలం తక్కళ్ళపల్లి గ్రామానికి చెందిన గొల్లపలి తిరుపతి గౌడ్ (42), మెట్ పల్లి మండల కేంద్రంలోని గాజులపేటకు చెందిన అబ్దుల్ రఫీఖ్ (37)లు ఈ ప్రమాదంలో మరణించారు. మృతదేహాలను భారత్‌కు పంపించడానికి దుబాయిలోని భారతీయ కాన్సులేటు అధికారులు మృతుల కుటుంబాలతో సంప్రదింపులు జరుపుతున్నారు.
  బాధితులను దుబాయిలోని సామాజిక కార్యకర్త గుండెళ్లి నరసింహ కూడా పరామర్శించారు.
షార్జా కేంద్రంగా ఉన్న ఒక అల్యూమినియం డోర్ ఫ్రేం, గ్లాసుల పరిశ్రమలో వీరందరు పని చేస్తున్నారని తెలిసింది. అకస్మాత్తుగా సాంకేతిక లోపంతో రోడ్డుపై ఆగిపోయిన లారీని వెనక నుంచి వచ్చి మినీ బస్సు ఢీకొనడంతో ఈ దుర్ఘటన జరిగిందని

ఆర్డీఓ ముందే బాధితులపై హత్యాప్రయత్నం!

• విచారణలోనే గొంతు నులిమి, పురుషాంగాలపై దాడి చేసిన ప్రత్యర్థులు

• ప్రేక్షక పాత్ర పోషించిన సిద్దిపేట డివిజనల్ ఎగ్జిక్యూటివ్ మేజిస్ట్రేట్ 

• వృద్ధుడైన తండ్రి, కొడుకుపై విచక్షణారహితంగా దాడి

• సిద్దిపేట వన్ టౌన్ పోలీస్ స్టేషన్‌లో బాధితుడి ఫిర్యాదు

సిద్దిపేట, మే 16:
న్యాయం జరగాల్సిన చోటే అన్యాయం రాజ్యమేలింది. భూవివాదంపై విచారణ జరుపుతున్న అధికారి ముందే ప్రత్యర్థులు రెచ్చిపోయారు. ఆర్డీఓ హాల్‌లోనే వృద్ధుడని కూడా చూడకుండా తండ్రీకొడుకులపై విచక్షణారహితంగా దాడి చేసి, గొంతు నులిమి చంపేందుకు ప్రయత్నించిన హేయమైన ఘటన సిద్దిపేట ఆర్డీఓ (రెవెన్యూ డివిజనల్ అధికారి) కార్యాలయంలో శనివారం కలకలం రేపింది. డివిజనల్ ఎగ్జిక్యూటివ్ మేజిస్ట్రేట్ హోదాలో ఉన్న అధికారి కళ్లెదుటే ఈ దారుణం జరుగుతున్నా, ఆయన దాడిని వారించకుండా మూగప్రేక్షకుడిలా ఉండిపోవడం స్థానికంగా తీవ్ర చర్చనీయాంశమైంది.

వివరాల్లోకి వెళ్తే...
సిద్దిపేట పట్టణ శివారులోని సర్వే నెంబర్ 1440 లో గల 1-04 ఎకరాల భూమి ఉమ్మడి ఆస్తి పంపకాల్లో భాగంగా సిద్దిపేట నివాసి అయిన నాయకం మల్లయ్యకు దక్కింది. 1993 నుంచి అన్ని రెవెన్యూ రికార్డుల్లోనూ ఈ భూమి మల్లయ్య పేరిటే నమోదై ఉంది. 

అయితే, ఇటీవల మల్లయ్య సోదరుడైన లక్ష్మణ్ తప్పుడు ఆరోపణలతో ఈ భూమిపై ఆర్డీఓ ముందు అప్పీల్ దాఖలు చేశారు. ఈ కేసు విచారణ నిమిత్తం ఆర్డీఓ కార్యాలయం నుంచి నోటీసులు రావడంతో, శనివారం మల్లయ్య తన కుమారుడైన నాయకం ప్రసాద్‌తో కలిసి విచారణకు హాజరయ్యారు.

కోర్టు హాల్‌లోనే గొంతు నులిమి...
ఆర్డీఓ సమక్షంలో ప్రసాద్ తన వాదనలు వినిపిస్తుండగా, అక్కడే ఉన్న వారి బాబాయ్‌లు శ్రీనివాస్, లక్ష్మణ్, సత్యనారాయణలు ఒక్కసారిగా తండ్రీకొడుకులపై పడి విచక్షణారహితంగా దాడికి దిగారు. "వీడిని చంపితేనే మనకు ఈ భూమి దక్కుతుంది, ప్రాణాలతో ఉంచొద్దు" అని కేకలు వేస్తూ ప్రసాద్ గొంతు నులిమి చంపే ప్రయత్నం చేశారు. అంతటితో ఆగక కార్యాలయం ఆవరణలోకి లాక్కొచ్చి మరీ దాడి చేశారు. ఒకరు ప్రసాద్ పురుషాంగాలపై బలంగా కొట్టగా, మరొకరు గొంతు గట్టిగా నొక్కారు. వృద్ధుడైన తండ్రి మల్లయ్యపై కూడా నిందితులు దాడికి తెగబడ్డారు.

అధికారి ఎందుకు మౌనంగా ఉన్నారు?
శాంతిభద్రతలను కాపాడాల్సిన, డివిజనల్ ఎగ్జిక్యూటివ్ మేజిస్ట్రేట్ అధికారాలు ఉన్న ఆర్డీఓ కళ్ల ముందే ఈ ఘోరం జరుగుతున్నా ఆయన మౌనం వహించడంపై బాధితులు, ప్రజలు తీవ్ర అభ్యంతరం వ్యక్తం చేస్తున్నారు. తన చాంబర్‌లోనే ఓ వృద్ధుడిపై, అతని కొడుకుపై హత్యాప్రయత్నం జరుగుతుంటే ఆర్డీఓ ఎందుకు అడ్డుకోలేదు? కనీసం సిబ్బందిని పిలిచి దాడిని ఆపే ప్రయత్నం ఎందుకు చేయలేదు? ఆయన మౌనం వెనుక ఉన్న రహస్యం ఏంటి? అని బాధితులు ప్రశ్నిస్తున్నారు.

న్యాయం కోసం పోలీసుల ఆశ్రయం:

భూవివాదం సాకుతో తనపై, తన వృద్ధ తండ్రిపై ఆర్డీఓ ముందే హత్యాప్రయత్నానికి ఒడిగట్టి, ప్రాణాపాయ ముప్పు తలపెట్టిన శ్రీనివాస్, లక్ష్మణ్, సత్యనారాయణలపై కఠిన చర్యలు తీసుకోవాలని, తమకు రక్షణ కల్పించాలని బాధితుడు నాయకం ప్రసాద్ సిద్దిపేట వన్ టౌన్ సిఐ కు లిఖితపూర్వకంగా ఫిర్యాదు చేశారు. పోలీసులు కేసు నమోదు చేసి దర్యాప్తు జరుపుతున్నారు.

వీణవంకలో క్రికెట్ టోర్నమెంట్ ప్రారంభం

 =యువత క్రీడల్లో రాణించాలి - ఎస్ఐ ఆవుల తిరుపతి

చురకలు విలేఖరి ​వీణవంక  మే 15:
కరీంనగర్ జిల్లా వీణవంక మండల కేంద్రంలో వేసవి కాలం సందర్భంగా యువత కోసం ఏర్పాటు చేసిన క్రికెట్ టోర్నమెంట్ ఘనంగా ప్రారంభమైంది.శివాజీ యూత్ క్లబ్,8వ వార్డు సభ్యులు భోగం అనిల్ ఆధ్వర్యంలో నిర్వహించిన ఈ క్రీడా పోటీలకు స్థానిక ఎస్ఐ ఆవుల తిరుపతి, సర్పంచ్ దాసారపు సరోజన ముఖ్య అతిథులుగా హాజరై, టాస్ వేసి టోర్నమెంట్‌ను ప్రారంభించారు.​ఈ సందర్భంగా ఎస్ఐ ఆవుల తిరుపతి మాట్లాడుతూ.. యువతకు క్రీడల పట్ల ఉండాల్సిన ఆసక్తినీ కనబరచాలీ.యువత ఖాళీ సమయాల్లో చెడు దారులకు మళ్ళకుండా ఉండాలంటే క్రీడలు ఎంతో దోహదపడతాయి. క్రీడల వల్ల శారీరక దృఢత్వంతో పాటు మానసిక ఉల్లాసం, క్రమశిక్షణ అలవడుతాయి. గ్రామంలో యువత కోసం ఇలాంటి మంచి కార్యక్రమాన్ని చేపట్టిన 8వ వార్డు సభ్యుడు భోగం అనిల్‌ను ఆర్గనైజర్లను ఆయన ప్రత్యేకంగా అభినందించారు.
​సర్పంచ్ సరోజన మాట్లాడుతూ.. ప్రతి ఒక్క క్రీడాకారుడు క్రీడా స్ఫూర్తితో ఆడి ఈ టోర్నమెంట్‌ను విజయవంతం చేయాలని కోరారు.​ఈ కార్యక్రమంలో ఉప సర్పంచ్ 
​తాళ్లపల్లి మహేష్,మాజీ ఉపసర్పంచ్ ​వోరెం  భానుచందర్,​వార్డు సభ్యులు నీల శ్రీకాంత్, కుమార్,
పంచాయతీ కార్యదర్శి యశోద,​స్థానిక క్రీడాకారులు గ్రామ యువత పాల్గొన్నారు.

మంత్రి అడ్లూరికి తప్పిన ప్రమాదం..

కరీంనగర్ ప్రైవేట్ ఆస్పత్రికి లిఫ్ట్ వైర్ తెగిపోవడంతో జరిగిన ప్రమాదం..

ఆసుపత్రుల నిర్వహణపై మంత్రి ఆగ్రహం..

కరీంనగర్: 

రాష్ట్ర సాంఘిక సంక్షేమ శాఖ మంత్రి అడ్లూరి లక్ష్మణ్ కుమార్ కు ప్రమాదం తప్పింది. ప్రమాదంలో మంత్రితో పాటు గన్ మెన్లు ఆసుపత్రి లిఫ్టులో వెళుతుండగా ప్రమాదం జరిగింది. జగిత్యాల జిల్లా గొల్లపల్లి మండల కేంద్రంలో మార్కెట్ యార్డ్ లో మక్కల కొనుగోలు కేంద్రం వద్ద లారీ అదుపుతప్పి మంగళవారం పలువురు రైతులు గాయపడ్డారు. గాయపడ్డ రైతులుకరీంనగర్ లోని వన్ ఆసుపత్రిలో చికిత్స పొందుతున్న నియోజకవర్గానికి చెందిన రైతులను పరామర్శించడానికి మంత్రి బుధవారం రాత్రి ఆసుపత్రికి చేరుకున్నారు. బాధితులను పరామర్శించడానికి మంత్రితో పాటు వ్యక్తిగత సిబ్బంది కలిసి లిఫ్టులో మూడో అంతస్తుకు వెళ్లుతుండగా లిఫ్ట్ వైరు తెగిపోవడంతో ఒక్కసారిగా లిఫ్ట్ కిందికి పడిపోయింది. అదృష్టవశాత్తు మంత్రితో పాటు వ్యక్తిగత సిబ్బందికి ఎలాంటి గాయాలు కాలేదు.

ప్రమాదం అనంతరం కరీంనగర్ ప్రైవేట్ ఆసుపత్రి పనితీరుపై తీరుపై మంత్రి అడ్లూరి లక్ష్మణ్ కుమార్ మండిపడ్డారు. కరీంనగర్ లోని పలు ప్రైవేట్ ఆస్పత్రికి మెడికల్ కు సంబంధం లేని వ్యక్తులు నిర్వహిస్తూ ధనార్జన ధ్యేయంగా పనిచేస్తున్నారని మంత్రి ఆరోపించారు.  కనీస వైద్య సదుపాయాలు లేకున్నా అర్హత లేని వైద్యులతో ఆసుపత్రిలో నిర్వహిస్తున్నారని మంత్రి అన్నారు. కరీంనగర్ లో మెడికల్ మాఫియా రాజ్యం ఎలుతుందని మంత్రి లక్ష్మణ్ కుమార్ ఆరోపించారు. ప్రమాదం నుండి ఎలాంటి గాయాలు లేకుండా మంత్రి బయటపడడంతో అందరూ ఊపిరి పీల్చుకున్నారు.

రియాద్‌లో ఉచిత హృదయ వైద్య శిబిరం: మానవతా సేవకు రియాద్ ఇండియన్ అసోసియేషన్ నూతన దిశ

రియాద్: ప్రశంసనీయమైన మానవతా కార్యక్రమంగా, రియాద్ ఇండియన్ అసోసియేషన్ మెడికల్ వరల్డ్ క్లినిక్ సహకారంతో మే 8న రియాద్‌లోని అల్ తావూన్ ప్రాంతంలో ఉచిత హృదయ సంబంధ వైద్య శిబిరాన్ని విజయవంతంగా నిర్వహించింది. ఉదయం 9:00 గంటల నుండి సాయంత్రం 4:00 గంటల వరకు నిర్వహించిన ఈ శిబిరం, ప్రజల్లో ముందస్తు ఆరోగ్య అవగాహన పెంపొందించడం మరియు అందరికీ అందుబాటులో ఉండే హృదయ వైద్య సలహాలను అందించడం లక్ష్యంగా సాగింది.
వివిధ సామాజిక, సాంస్కృతిక నేపథ్యాలకు చెందిన మహిళలు మరియు పిల్లలతో సహా 280 మందికి పైగా ఈ శిబిరంలో పాల్గొన్నారు. అసోసియేషన్ అధ్యక్షుడు బిజు జోసెఫ్ కార్యక్రమాన్ని ప్రారంభించగా, ఇసక్కి మరియు డాక్టర్ సంతోష్ గుండె ఆరోగ్య పరిరక్షణ మరియు ప్రజారోగ్య అవగాహన యొక్క ప్రాముఖ్యతను వివరించారు. డాక్టర్ పొన్మురుగన్ స్వాగత ప్రసంగం చేశారు.
ఈ కార్యక్రమంలో పదాధికారులు, సలహా మండలి సభ్యులు, స్వచ్ఛంద సేవకులు మరియు మెడికల్ వరల్డ్ క్లినిక్ ప్రతినిధులు చురుకుగా పాల్గొన్నారు. వారి నిరంతర మరియు నిస్వార్థ సేవా భావం కార్యక్రమాన్ని విజయవంతంగా నిర్వహించడమే కాకుండా, మరెందరో సమాజ సేవలో పాల్గొనేలా ప్రేరేపించింది.
వైద్యులు, నర్సులు, సమన్వయకర్తలు మరియు వాలంటీర్ల అంకితభావ సేవలు శిబిరానికి మానవత్వం మరియు ఆప్యాయతను తీసుకువచ్చి, లబ్ధిదారుల హృదయాల్లో చిరస్థాయిగా నిలిచిపోయాయి. కార్యక్రమం డాక్టర్ సంతోష్ కృతజ్ఞతా ప్రసంగంతో ముగిసింది.
ఈ వైద్య శిబిరం చివరికి కరుణ, ఐక్యత మరియు మానవ సేవకు ప్రతీకగా నిలిచి, వందలాది మందికి ఆశ, నమ్మకం మరియు నాణ్యమైన ఆరోగ్య సేవలను అందించింది.
— ఎం. సిరాజ్

మైనార్టీలకు నామీనేటెడ్ పోస్ట్లు కేటాయుంచాలి 

జగిత్యాల,

 జగిత్యాల ముస్లిం సమాజం మరియు అన్ని రాజకీయ పార్టీలు, జగిత్యాల యువత తరపున జగిత్యాల ఎమ్మెల్యే డా. ఎం. సంజయ్ కుమార్ కు విజ్ఞప్తి చేశారు.
*జగిత్యాల ముస్లిం సమాజం నుండి రాష్ట్ర స్థాయి నామినేటెడ్ పోస్ట్ - స్టేట్ కార్పొరేషన్ చైర్మన్ మరియు కమిషన్ సభ్యుడు / డైరెక్టర్ పోస్టుల నియామకం చేయాలి.*
కుల్ జమాత్, అన్ని రాజకీయ పార్టీల ప్రతినిధులు, మసీదుల ప్రతినిధులు, మున్సిపల్ కౌన్సిలర్లు మరియు సామాజిక సంస్థల బాధ్యులతో కూడిన ఒక ప్రతినిధి బృందం డా. ఎం. సంజయ్ కుమార్ , ఎమ్మెల్యే జగిత్యాలను కలిసి ఒక వినతిపత్రం సమర్పించింది. జగిత్యాల ముస్లిం జనాభా ఎక్కువగా ఉన్న నియోజకవర్గం అని, ముస్లింలు ఎల్లప్పుడూ కాంగ్రెస్ పార్టీకి మద్దతు ఇచ్చారని అందులో పేర్కొన్నారు. అది మున్సిపల్ ఎన్నికలైనా, అసెంబ్లీ ఎన్నికలైనా, ఎంపీ ఎన్నికలైనా అదే వైఖరి కొనసాగుతోందని,
, తెలంగాణ రాష్ట్రంలో కాంగ్రెస్ పార్టీ అధికారంలోకి వచ్చి దాదాపు 30 నెలలు, అంటే రెండున్నర సంవత్సరాలు పూర్తయ్యాయి. కానీ ఇప్పటివరకు జగిత్యాల ముస్లిం వర్గం నుండి ఎవరికీ రాష్ట్ర స్థాయి నామినేటెడ్ పోస్ట్ ఇవ్వలేదు.
 జగిత్యాల క్రియాశీల నాయకుడు, టీపీసీ సీనియర్ లీడర్, మిల్లత్-ఎ-ఇస్లామియా జగిత్యాల మాజీ అధ్యక్షుడు మీర్ కాజిం అలీని స్టేట్ కార్పొరేషన్ చైర్మన్‌గా నియమించాలి. వీరితో పాటు మరొక కాంగ్రెస్ పార్టీ నాయకుడికి డైరెక్టర్ పోస్ట్ ఇవ్వాలి.*
ఈ చర్య ద్వారా ముస్లిం సమాజానికి న్యాయం జరుగుతుంది మరియు కాంగ్రెస్ పార్టీ కూడా బలపడుతుంది.
*డా. ఎం. సంజయ్ కుమార్ , ఎమ్మెల్యే, మీర్ కాజిం అలీకు నామినేటెడ్ పోస్ట్ ఇప్పించడానికి తప్పకుండా ప్రయత్నిస్తానని హామీ ఇచ్చారు.*
ఈ ప్రతినిధి బృందంలో పాల్గొన్నవారు:- జనాబ్ షరఫుద్దీన్ , అమీర్ తబ్లీగీ జమాత్ జగిత్యాల జిల్లా- హాఫిజ్ సయ్యద్ షంసుద్దీన్ తబ్రేజ్ , అధ్యక్షుడు జమియత్ ఉలమా జగిత్యాల  
- అబ్దుల్ జలీల్ , అధ్యక్షుడు అహ్లే హదీస్ జగిత్యాల- ఎం.ఏ. సలీం అబిద్ , జనరల్ సెక్రటరీ అహ్లే సున్నతుల్ జమాత్ జగిత్యాల- ఖాజా లియాఖత్ అలీ మొహ్సిన్ , జిల్లా అధ్యక్షుడు యం. ఐ. యం,జగిత్యాల- ఖాజీ మక్సూద్ అలీ మతీన్ గ, అధ్యక్షుడు ఖాజీ జగిత్యాల జిల్లా- సుమేర్ ఉద్దీన్ ఆజాద్ , అధ్యక్షుడు యం. ఐ. యం జగిత్యాల టౌన్- ఎం.ఏ. రజీ ఉద్దీన్ , యం. ఐ. యం కౌన్సిలర్ ఇస్లాంపుర,- డా. ఎం.డి. అయూబ్ ఖాన్ , యం ఐ యం,కౌన్సిలర్ 34వ వార్డు, ఉపాధ్యక్షుడు ముస్లిం కమిటీ జగిత్యాల- ముజాహిద్ ఆదిల్  అధ్యక్షుడు మసీద్-ఎ-పురానిపేట్- షేక్ నజీర్ అహ్మద్ , అధ్యక్షుడు మసీద్-ఎ-జం జం- ఇర్ఫాన్ జాఫర్ రషీద్ గారు, సీనియర్ రిపోర్టర్  ఖాజా అమీర్ ఉద్దీన్ , జనరల్ సెక్రటరీ యం. ఐ యం.- అబ్దుల్ రెహ్మాన్ , జిల్లా ఇ. సి సభ్యుడు యం ఐ యం 
ఆరిఫ్ హుస్సేన్ , జనరల్ సెక్రటరీ ఈద్గా కమిటీ జగిత్యాల- ఎం.డి. రియాజ్ ఉద్దీన్ గారు, మౌలానా అబుల్ కలాం ఆజాద్ యూత్ మరియు కాంగ్రెస్ పార్టీ
- బి ఆర్ ఎస్ పార్టీ నాయకులు, సామాజిక కార్యకర్తలు మరియు యువత పెద్ద సంఖ్యలో పాల్గొన్నారు.

బండి సంజయ్ కి రేవంత్ సర్కారు అండ 

-భగీరథ్ ను కేసు నుంచి తప్పించేందుకు కుట్రలు

-ఎఫ్ఐఆర్ నమోదు చేసి మూడు రోజులైనా అరెస్టు చేయరా...

-మంత్రుల కొడుకులకు ఒకన్యాయం ఇతరులకు ఒక న్యాయమా...

 -వెంటనే అరెస్టు చేసి రిమాండ్ కు తరలించాలి

-హుస్నాబాద్ మాజీ ఎమ్మెల్యే
  వొడితెల సతీష్ కుమార్

చురకలు ప్రతినిధి కరీంనగర్ మే 11

కేంద్ర మంత్రి బండి సంజయ్ కి రాష్ట్ర ముఖ్యమంత్రి రేవంత్ రెడ్డి అండగా నిలుస్తూ ఆయన కొడుకు భగీరథ్ ఫోక్సో కేసును నీరుగార్చే కుట్రలు జరుగుతున్నాయని హుస్నాబాద్ మాజీ ఎమ్మెల్యే వొడితెల సతీష్ కుమార్ అన్నారు. సోమవారం హుస్నాబాద్ లోని బిఆర్ఎస్ పార్టీ కార్యాలయంలో ఆయన విలేకరులతో మాట్లాడారు. మైనర్ బాలికలపై అఘాయిత్యాలకు పాల్పడిన భగీరథ్ పై బాధితుల ఫిర్యాదుతో ఎఫ్ఐఆర్ నమోదు చేసి మూడు రోజులు గడుస్తున్నా ఇంకా అరెస్టు చేయకపోవడంలో ఆంతర్యం ఏమిటని ప్రశ్నించారు. హోం మంత్రిగా ఉన్న ముఖ్యమంత్రి రేవంత్ రెడ్డి ఆదేశాలతోనే పోలీసులు అరెస్టు చేయడంలో జాప్యం చేస్తున్నారని ఆరోపించారు.  ఫిర్యాదు చేసిన బాలికతో పాటు వారి కుటుంబ సభ్యులపై పోలీసులు బెదిరింపులకు పాల్పడుతున్నారని అన్నారు. పోక్సో కేసు కాకుండా సాధారణ కేసు నమోదు చేసి కేసు మొత్తాన్ని నిర్వీర్యం చేసేందుకు ప్రయత్నాలు జరుగుతున్నాయని అన్నారు. మంత్రుల కొడుకుల కైతే ఒక న్యాయం... ఇతరులకు మరొక న్యాయం ఉంటుందా అని ప్రశ్నించారు. వెంటనే బండి సంజయ్ కొడుకు భగీరథ్ ను అరెస్టు చేసి రిమాండ్ కు తరలించాలని, కేంద్ర మంత్రిగా ఉన్న బండి సంజయ్ ని వెంటనే మంత్రి పదవి నుండి బర్తరఫ్ చేయాలని ఆయన డిమాండ్ చేశారు. లేనిచో చట్టాలపై ప్రజలకు ఉన్న గౌరవం పూర్తిగా తగ్గిపోతుందన్నారు. పోలీసులు తమ విధులను సక్రమంగా నిర్వర్తించాలని అన్నారు. భగీరథ్ కేసులో ఇంకా జాప్యం చేస్తే బీఆర్ఎస్ ఆధ్వర్యంలో ఆందోళనలకు దిగుతామని సతీష్ కుమార్ హెచ్చరించారు.