ముందస్తు బతుకమ్మ సంబురాలు

ముందస్తు బతుకమ్మ సంబరాలు 

రకరకాల వేషధారణలతో ఆకట్టుకున్న విద్యార్థులు 

జగిత్యాల
జగిత్యాల జిల్లా కేంద్రంలోని స్లేట్ హైస్కూల్లో సోమవారం రోజు ముందస్తు బతుకమ్మ సంబరాలు నిర్వహించారు.ఈ సందర్భంగా విద్యార్థినిలు రకరకాల పూలతో బతుకమ్మను అలంకరించి వివిధ వేషధారణలతో  ఆటపాటలతో అంగరంగ వైభవంగా ముందస్తు బతుకమ్మ పండుగను జరుపుకున్నారు. ఈ కార్యక్రమాన్ని ఉద్దేశించి పాఠశాల ప్రిన్సిపల్ స్వప్న మాట్లాడుతూ బతుకమ్మ' పండుగను తెలంగాణా రాష్ట్రంలో ఆశ్వయుజ మాస శుద్ధ పాడ్యమి నుండి తొమ్మిది రోజుల పాటు ఆడబిడ్డలు పెద్ద ఎత్తున ఎంతో ఆప్యాయతతో జరుపుకుంటారు. ఈ బతుకమ్మ (గౌరి) పండుగ లేదా సద్దుల పండుగ దసరాకి రెండు రోజుల ముందు వస్తుంది.తెలంగాణ ప్రత్యేక రాష్ట్రం ఏర్పడిన తరువాత బతుకమ్మను రాష్ట్ర పండుగగా నిర్వహిస్తున్నారు. ఈ సందర్భంగా పాఠశాల ప్రిన్సిపల్ స్వప్న తల్లిదండ్రులకు పోషకులకు ఉపాధ్యాయులకు విద్యార్థిని విద్యార్థులకు ముందస్తు బతుకమ్మ దసరా శుభాకాంక్షలు తెలిపారు. ఈ కార్యక్రమంలో పాఠశాల కరస్పాండెంట్ జగన్మోహన్ రెడ్డి, డైరెక్టర్లు తిరుపతిరెడ్డి , రాజ్యలక్ష్మి, ఇంచార్జ్ మల్లికార్జున్ మరియు ఉపాధ్యాయ బృందం విద్యార్థిని విద్యార్థులు తల్లిదండ్రులు తదితరులు పాల్గొన్నారు.