*సామాజికవేత్త, రక్తదాన సందానకర్త, ప్రాణదాత కటుకం గణేష్ కు జాతీయ సేవా రత్న 2024 అవార్డు పురస్కారం...* 
కోరుట్ల నవంబర్ 3:-
అంజలి మీడియా గ్రూప్, అందరి టీవీ పదవ వార్షికోత్సవం సందర్భాన్ని పురస్కరించుకొని కాకతీయ మహానంది 2024 అవార్డుల ప్రధానోత్సవం పేరిట హన్మకొండలో శనివారం ఏర్పాటు చేసిన కార్యక్రమంలో భాగంగా జగిత్యాల జిల్లా కోరుట్ల పట్టణానికి చెందిన సామాజికవేత్త, రక్తదాన సంధానకర్త, ప్రాణదాత కటుకం గణేష్ కు జాతీయ సేవా రత్న-2024 అవార్డుతో అంజలి మీడియా గ్రూప్ & ఫౌండేషన్, చైర్మన్ కామిశెట్టి రాజు చేతుల మీదుగా సత్కరించి అవార్డు పురస్కారం అందజేశారు.
ఈ సందర్భంగా అంజలి మీడియా చైర్మెన్ కామిశెట్టి రాజు, ఆర్గనైజర్ కూచన నాగజ్యోతి లు మాట్లాడుతూ ఉమ్మడి కరీంనగర్ జిల్లాలోనే కాకుండా ఇతర జిల్లాలకు రక్తదానం చేయించడంలో ముందంజలో ఉంటున్న కటుకం గణేష్ ను గుర్తించి అవార్డుతో సత్కరించడం జరిగిందని వారు తెలిపారు.
అన్ని దానాలకన్నా రక్తదానం గొప్పదని, అత్యవసర సమయంలో ఒకరు రక్తదానం చేస్తే ముగ్గురిని కాపాడవచ్చునని ప్రాణాపాయ స్థితిలో ఉన్నవారికి యువత ప్రతి ఒక్కరు స్వచ్ఛందంగా ముందుకు వచ్చి రక్తదానం చేసి ప్రాణదాతలుగా నిలవాలని వారు పేర్కొన్నారు.
